ITR Income Tax Slab: जर तुमचे उत्पन्न करपात्र असेल तर त्या उत्पन्नावर तुम्हाला कर भरावा लागतो. वेगवेगळ्या उत्पन्नानुसार वेगवेगळे टॅक्स स्लॅब असतात, त्यानुसार आयकर विवरणपत्र भरले जाते.
त्याचवेळी, सरकारने आयकर स्लॅबमध्ये काही बदल देखील केले आहेत, ज्याबद्दल जाणून घेणे खूप महत्वाचे आहे. अर्थमंत्री निर्मला सीतारामन यांनी अर्थसंकल्प 2023 मध्ये या बदलांची घोषणा केली होती. चला तर मग त्याबद्दल जाणून घेऊया...
सध्या देशात आयकर विवरणपत्र दोन प्रकारे भरले जाते. इन्कम टॅक्स रिटर्न एक जुन्या कर प्रणाली अंतर्गत भरले जाते आणि दुसरे नवीन कर प्रणाली अंतर्गत.
2023 चा अर्थसंकल्प (Budget) सादर करताना, मोदी सरकारमधील अर्थमंत्री निर्मला सीतारामन यांनी नवीन कर प्रणालीमध्ये काही बदलांची घोषणा केली. यासोबतच नवीन कर प्रणालीमध्ये आयकर स्लॅबमध्ये बदल करण्याची घोषणा करण्यात आली.
या बदलांनुसार, आता जर करदात्याने नवीन आयकर स्लॅब अंतर्गत आयटीआर (ITR) दाखल केला तर त्याला यापुढे तीन लाख रुपयांच्या वार्षिक उत्पन्नावर कोणताही कर भरावा लागणार नाही.
यापूर्वी ही मर्यादा वार्षिक अडीच लाख रुपयांपर्यंत होती. यानंतर जर वार्षिक 3 ते 6 लाख रुपये उत्पन्न असेल तर त्यावर 5 टक्के कर भरावा लागेल. त्याचबरोबर 6 ते 9 लाख रुपयांच्या वार्षिक उत्पन्नावर 10 टक्के कर भरावा लागेल.
दुसरीकडे, ज्या लोकांचे वार्षिक उत्पन्न 9-12 लाख रुपये आहे, त्यांना 15 टक्के कर भरावा लागेल. याशिवाय जर एखाद्याचे वार्षिक उत्पन्न 12-15 लाख रुपये असेल तर त्यांना 20 टक्के कर भरावा लागेल.
त्याचवेळी, लोकांना 15 लाखांपेक्षा जास्त उत्पन्नावर 30 टक्के कर भरावा लागेल. अशा परिस्थितीत, सरकारने नवीन कर प्रणालीमध्ये 6 कर स्लॅब सेट केले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.