Income Tax Slab: 2023-24 या आर्थिक वर्षाच्या अर्थसंकल्पाची तयारी जोरात सुरु आहे. मोदी सरकार या अर्थसंकल्पात कराच्या बाबतीत मोठे बदल करण्याची योजना आखत आहे. अर्थमंत्री या अर्थसंकल्पात नवीन आयकर स्लॅब जोडू शकतात, ज्यामुळे 5 ते 10 लाखांपर्यंत उत्पन्न असलेल्या लोकांना कमी कर भरावा लागेल. केंद्रीय अर्थमंत्री निर्मला सीतारामन यावेळी मध्यमवर्गीयांना मोठी भेट देण्याचा विचार करत आहेत.
सूत्रांकडून मिळालेल्या माहितीनुसार, ज्यांचे वार्षिक उत्पन्न 10 लाखांपर्यंत आहे, त्यांना मोठी सूट मिळू शकते. म्हणजेच 10 लाखांपर्यंत उत्पन्न (Income) असणाऱ्यांना पूर्वीपेक्षा कमी कर भरावा लागेल.
या अर्थसंकल्पात (Budget) 5 ते 10 लाख रुपयांचे उत्पन्न असलेल्या सरकारच्या बजेटमध्ये मोठा बदल होऊ शकतो, अशी माहिती अर्थ मंत्रालयाच्या सूत्रांकडून मिळाली आहे. या उत्पन्न गटासाठी 10 टक्क्याचा नवीन स्लॅब जोडण्याचा सरकार विचार करत आहे. सध्या त्यावर 20 टक्के कर आकारला जातो. यंदाच्या अर्थसंकल्पात या टॅक्स स्लॅबसाठी कपातीची घोषणा केली जाऊ शकते.
यासोबतच 10 ते 15 लाख रुपये उत्पन्न असलेल्या लोकांवर लागू होणारा करही 25 टक्क्यांपर्यंत कमी केला जाऊ शकतो. त्याचवेळी, त्यावरील उत्पन्नाच्या करात कोणताही बदल करण्याचे नियोजन नाही.
सध्या सिस्टममध्ये 5 टॅक्स स्लॅब आहेत. यामध्ये 2.5 लाख रुपयांपर्यंतचे उत्पन्न करमुक्त आहे. त्याचवेळी, 2.5 ते 5 लाखांपर्यंतच्या उत्पन्नावर 5% कर, 5 ते 10 लाखांपर्यंतच्या उत्पन्नावर 20% कर, 10 ते 20 लाखांपर्यंतच्या उत्पन्नावर 30% कर आणि 20 लाखांपेक्षा जास्त उत्पन्नावर 30% कर. सध्या या स्लॅबमध्ये सरकार आणखी एक नवीन स्लॅब जोडू शकते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.