डिजिटल युगात कृत्रिम बृद्धीमत्ता (एआयची) या तंत्रज्ञानाची क्रांती झाली असून, सर्वच क्षेत्रात त्याचा वापर वाढला आहे. गुगलने देखील त्यांच्या कर्मचाऱ्यांना रोजच्या कामात एआयचा वापर करण्याचा सल्ला दिला आहे. एआयचा वापर न केल्यास कर्मचारी इतर स्पर्धकांच्या तुलनेत मागे पडतील, अशी भीतीही त्यांनी व्यक्त केली आहे.

बिझिनेस इन्साईंडरने प्रसिद्ध केलेल्या वृत्तानुसार, कार्यक्षमता वाढविण्यासाठी गुगलने कर्मचाऱ्यांना नियमित कामात एआयचा वापर करण्याचा सल्ला दिला आहे. गुगलच्या या सूचनेमुळे कंपनीतीला काही कर्मचारी आनंदीत झाले आहेत तर, काहींनी मात्र चिंता व्यक्त केली आहे. असे असले तरी कर्मचाऱ्यांना एआयचा वापर बंधनकारक असेल, असे कंपनीच्या व्यवस्थापनाने स्पष्ट केले आहे.

सिलिकॉन व्हॅलीत देखील एआयच्या वापरासाठी कर्मचाऱ्यांवर असलेल्या दबावाची चर्चा आता केली जात आहे. दरम्यान, काही महिन्यांपूर्वी सुंदर पिचई यांनीही एआयच्या वापराचे महत्व अधोरेकीत केले होते.

गुगलमध्ये कर्मचाऱ्यांनी एआयचा वापर वाढवला नाही तर इतरांच्या तुलनेत ते मागे पडण्याची भीती त्यांनी व्यक्त केली होती. जगातील इतर कंपन्यांशी आपण स्पर्धा करत आहोत, याची आठवण देखील त्यांनी करून दिली.

यापूर्वी मायक्रोसॉफ्टने देखील त्यांच्या कर्मचाऱ्यांना एआय वापरासाठी प्रोत्साहन देण्यास सुरुवात केलीय. एआय आता ऑप्शन नसल्याचे त्यांनी नमूद केले होते. अमेझॉनने देखील एआय अधिक काम करत असल्याने कंपनीतील कर्मचाऱ्यांची संख्या कमी होईल, असे स्पष्ट केले आहे. शॉफीफायने देखील कर्मचाऱ्यांना एआय वापर करण्याची सूचना केली आहे.