गोव्याचे मुख्यमंत्री प्रमोद सावंत (Pramod Sawant) यांनी शनिवारी इलेक्ट्रिक वाहनांच्या वापराला प्रोत्साहन देण्यासाठी गोवा इलेक्ट्रिसिटी मोबिलिटी प्रमोशन पॉलिसी-2021 लाँच केले. गोव्यातील अवजड उद्योग मंत्रालयाने इलेक्ट्रिक मोबिलिटीला चालना देण्यासाठी आयोजित केलेल्या गोलमेज बैठकीत सावंत यांनी हे धोरण सादर केले.

इलेक्ट्रिक (Electric) वाहनांच्या खरेदीवर सबसिडी मिळणार असल्याचे सावंत यांनी यावेळी सांगितले, या धोरणाचा मुख्य उद्देश बॅटरीवर चालणाऱ्या वाहनांच्या वापराला प्रोत्साहन देणे आणि राज्यातील लोकांना रोजगार निर्मिती करणे हा आहे. धोरणांतर्गत मिळणाऱ्या लाभांबाबत ते म्हणाले, "आम्ही उत्पादन क्षेत्राला प्रोत्साहन देत आहोत. गोव्यात (goa) पाच वर्षांसाठी नोंदणीकृत ई-वाहनांच्या सर्व प्रकारच्या रोड टॅक्समध्ये (tax) सूट देणार आहोत.

महामार्गावर प्रत्येक 25 किमी अंतरावर चार्जिंग स्टेशन उभारण्यात येणार आहेत. राज्य सरकार (Government) ई-वाहने खरेदी करणाऱ्यांना सबसिडी देईल आणि चार्जिंग पायाभूत सुविधा उभारेल. महामार्गावर दर 25 किमी अंतरावर चार्जिंग स्टेशन असणार असल्याचे सावंत यांनी सांगितले.