Direct-to-mobile (D2M) technology to be tested in 19 cities soon, Video streaming will be without SIM card, internet:

‘डायरेक्ट-टू-मोबाइल’ प्रसारणाचे स्वप्न लवकरच प्रत्यक्षात येऊ शकते. यामध्ये मोबाइल वापरकर्ते सिम कार्ड किंवा इंटरनेट कनेक्शनशिवाय व्हिडिओ स्ट्रीम करू शकतील.

एका परिषदेत बोलताना, माहिती आणि प्रसारण सचिव अपूर्व चंद्रा म्हणाले की, देशांतर्गत डायरेक्ट-टू-मोबाइल (D2M) तंत्रज्ञानाची लवकरच 19 शहरांमध्ये चाचणी केली जाईल आणि या उदयोन्मुख तंत्रज्ञानासाठी 470-582 MHz स्पेक्ट्रम राखून ठेवण्यासाठी जोरदार प्रयत्न करणार आहे.

चंद्रा म्हणाले की, 25-30 टक्के व्हिडिओ ट्रॅफिक D2M वर हलवल्याने 5G नेटवर्कवरील गर्दी कमी होईल, ज्यामुळे देशातील डिजिटल परिवर्तनाला गती मिळेल. गेल्या वर्षी, D2M तंत्रज्ञानाची चाचणी करण्यासाठी एक चाचणी प्रकल्प बेंगळुरू, कर्तव्य पथ आणि नोएडा येथे चालवण्यात आला.

चंद्रा म्हणाले की, D2M तंत्रज्ञान देशभरातील सुमारे 8-9 कोटी "टीव्ही डार्क" घरांपर्यंत पोहोचण्यास मदत करेल. देशातील 28 कोटी कुटुंबांपैकी केवळ 19 कोटी कुटुंबांकडे दूरदर्शन संच आहेत.

या परिषदेत बोलताना चंद्रा पुढे म्हणाले, देशात 80 कोटी स्मार्टफोन आहेत आणि यूजर्ससाठी 69 टक्के कन्टेन्ट व्हिडिओ स्वरूपात आहे. गेल्या वर्षी, D2M तंत्रज्ञानाची पायलट चाचणी बेंगळुरू, कर्तव्य पाथ आणि नोएडा येथे घेण्यात आली.

चंद्रा म्हणाले की, व्हिडिओच्या मोठ्या वापरामुळे, मोबाइल नेटवर्क ब्लॉक होते, ज्यामुळे ते अधूनमधून प्ले होते.

सांख्य लॅब्स आणि इंडियन इन्स्टिट्यूट ऑफ टेक्नॉलॉजी (IIT) कानपूर यांनी विकसित केलेले D2M प्रसारण तंत्रज्ञान, व्हिडीओ, ऑडिओ आणि डेटा सिग्नल थेट सुसंगत मोबाइल आणि स्मार्ट उपकरणांवर प्रसारित करण्यासाठी स्थलीय दूरसंचार पायाभूत सुविधा आणि सार्वजनिक प्रसारक-नियुक्त स्पेक्ट्रम वापरते.

D2M म्हणजे काय आणि त्याचे फायदे काय आहेत?

D2M हे थेट मोबाइल ब्रॉडकास्टिंग तंत्रज्ञान आहे ज्यासाठी इंटरनेटची आवश्यकता नाही. D2M च्या मदतीने तुम्ही तुमच्या स्मार्टफोनवर इंटरनेटशिवाय व्हिडिओ पाहू शकता.

हे अगदी डायरेक्ट टू होम (DTH) सारखे आहे. त्याचा मोठा फायदा असा होईल की, त्या क्षेत्रातील वापरकर्ते आता OTT अ‍ॅप्लिकेशन्सवर व्हिडिओ बघू शकतील, जिथे इंटरनेटची सोय नसेल. D2M हा देशाच्या प्रत्येक कोपऱ्यात पोचणार आहे. D2M लाँच झाल्यावर, उच्च-गतीच्या इंटरनेटची आवश्यकता नसतानाही व्हिडिओ पाहणे शक्य होईल, पण एक मोठी अडचण आहे की सध्याच्या बाजारातील मोबाइलमध्ये हे सपोर्ट केले जात नाही. D2M लाँच झाल्यावर, D2M सपोर्ट असलेले नवीन मोबाइल देखील बाजारात आणले जातील. D2M सपोर्टसाठी, सर्व मोबाइल ब्रँड्सनी आपल्या मोबाइलमध्ये D2M अँटेना बसवावे लागेल, जो DTH साठीच्या सेटअप बॉक्ससारखे काम करेल.