Bernard Arnault became the richest person in the world:
फोर्ब्सने नुकताच एक अहवाल प्रसिद्ध केला आहे. या अहवालानुसार बर्नार्ड अरनॉल्ट आता जगातील सर्वात श्रीमंत व्यक्तींच्या यादीत पहिल्या क्रमांकावर आले आहेत. त्यांनी एलन मस्क यांना मागे टाकत हे स्थान पटकावले.
बर्नार्ड अरनॉल्ट हे लक्झरी ब्रँड LVMH (Moet Hennessy Louis Vuitton) चे मुख्य कार्यकारी अधिकारी आहेत. त्यांची एकूण संपत्ती २३.६ अब्ज डॉलरने वाढली आहे. आता त्यांची एकूण संपत्ती २०७.८ अब्ज डॉलर आहे.
फोर्ब्सच्या अहवालानुसार, 25 जानेवारी 2024 रोजी टेस्ला शेअर्समध्ये झालेल्या घसरणीमुळे एलन मस्क यांची संपत्ती 13 टक्क्यांनी घसरली. यामुळे, मस्क यांची एकूण संपत्ती 18 अब्ज डॉलरपेक्षा कमी झाली आहे.
दुसरीकडे वेळी, LVMH शेअर्समध्ये 13 टक्के वाढ झाल्यामुळे अरनॉल्ट यांची निव्वळ संपत्ती वाढली. फोर्ब्सच्या मते, आता LVMH ची एम-कॅप 388.8 अब्ज डॉलर आहे.
जगातील तिसरे सर्वात श्रीमंत व्यक्ती जेफ बेझोस आहेत. त्यांची एकूण संपत्ती 181.3 अब्ज डॉलर आहे. त्याचप्रमाणे लॅरी एलिसन चौथ्या स्थानावर आणि मार्क झुकेरबर्ग पाचव्या स्थानावर असून त्यांची एकूण संपत्ती 139.1 अब्ज डॉलर आहे.
जगातील सर्वात श्रीमंत व्यक्तींच्या यादीत वॉरन बफे सहाव्या तर लॅरी पेज आठव्या स्थानावर आहेत. मायक्रोसॉफ्टचे बिल गेट्स यांची एकूण संपत्ती १२२.९ अब्ज डॉलर आहे. जगातील श्रीमंतांच्या यादीत ते नवव्या क्रमांकावर आहेत. त्याच वेळी, सर्गेई ब्रिनही टॉप 10 मध्ये आहे.
रिलायन्स इंडस्ट्रीजचे अध्यक्ष आणि आशियातील सर्वात श्रीमंत व्यक्ती मुकेश अंबानी जगातील सर्वात श्रीमंत व्यक्तींच्या यादीत 11 व्या क्रमांकावर आहेत. त्यांची एकूण संपत्ती 104.4 अब्ज डॉलर आहे.
दुसरीकडे, अदानी समूहांचे अध्यक्ष गौतम अदानी यांची एकूण संपत्ती 75.7 अब्ज डॉलर आहे. जगातील सर्वात श्रीमंत व्यक्तींच्या यादीत ते 16 व्या क्रमांकावर आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.