Aadhaar Card: आधार कार्ड बनवताना अनेक वेळा आपण चुकीची माहिती भरतो किंवा काही इतर गोष्टी भरायला विसरतो, ज्यामुळे आपल्याला अनेक समस्यांना सामोरे जावे लागते. त्यामुळे आधार कार्ड बनवताना योग्य माहिती भरणे अत्यंत आवश्यक आहे.

UIDAI ने आधार कार्डमध्ये नाव, जन्मतारीख, पत्ता, मोबाईल नंबर, जेंडर अपडेट करण्याची सुविधा दिली आहे. मात्र, तुम्ही कितीही वेळा माहिती अपडेट करु शकत नाहीत.

आधार कार्ड इतर कागदपत्रांपेक्षा वेगळे का आहे?

आधार कार्ड (Aadhar Card) इतर कागदपत्रांपेक्षा वेगळे असते कारण त्यात बायोमेट्रिक असते. त्यामुळे ती योग्य माहितीसह अपडेट करणे आवश्यक आहे. अन्यथा तुम्हालाही समस्या येऊ शकतात.

आधार कार्डमध्ये किती वेळा नाव बदलता येईल

तुम्ही आधार कार्डमध्ये तुमचे नाव फक्त 2 वेळा बदलू शकता. तुमच्या नावाच्या स्पेलिंगमध्ये काही चूक असल्यास किंवा तुम्हाला लग्नानंतर तुमचे आडनाव बदलायचे असेल तर तुम्ही ते बदलू शकता. तुम्ही ते ऑनलाइन किंवा ऑफलाइन दोन्हीही करु शकता.

आधार कार्डमध्ये जेंडर किती वेळा बदलता येईल

अनेक वेळा असे घडते की, आधार कार्ड बनवताना चुकीच्या पद्धतीने जेंडरविषयी माहिती भरली जाते. त्यामुळे त्यामध्ये तुम्ही फक्त 1 वेळा बदलू शकता.

आधार कार्डमध्ये जन्मतारीख किती वेळा बदलता येईल

जर जन्मतारीख चुकीची टाकली असेल, तर तुम्ही ती फक्त 1 वेळा बदलू शकता.

आपण कोणती माहिती कधीही बदलू शकतो

घराचा पत्ता, ईमेल आयडी, मोबाईल नंबर, फोटो, फिंगर प्रिंट आणि रेटिना स्कॅन यासारखी काही माहिती आधार कार्डवर वारंवार बदलली जाऊ शकते.