8th Pay Commission Latest News: केंद्रीय कर्मचाऱ्यांसाठी एक महत्त्वाची बातमी आहे. तुम्हीही नोकरी करत असाल तर सरकारकडून (मोदी सरकार) 8 व्या वेतन आयोगाबाबत एक मोठी अपडेट समोर येत आहे.
अलीकडेच, केंद्र सरकारच्या कर्मचाऱ्यांच्या महागाई भत्त्यात सरकारने वाढ केली असून, त्यानंतर कर्मचाऱ्यांच्या पगारात मोठी वाढ झाली आहे.
आता जुलै महिन्यात सरकार पुन्हा एकदा महागाई भत्ता वाढवणार आहे. मीडिया रिपोर्ट्सनुसार, सरकार लवकरच नवीन वेतन आयोग स्थापन करु शकते आणि त्यामध्ये कर्मचाऱ्यांच्या पगारात 44 टक्क्यांहून अधिक वाढ होणार आहे.
देशातील लाखो केंद्रीय कर्मचारी (Employees) 8 वा वेतन आयोग आणण्याची मागणी करत आहेत. यावेळी पुन्हा एकदा देशभरात 8 व्या वेतन आयोगाबाबत चर्चा चांगलीच रंगली आहे. याचा फायदा देशातील लाखो कर्मचारी आणि पेन्शनधारकांना होणार आहे.
केंद्रीय अर्थ राज्यमंत्री भागवत कराड यांनी आठव्या वेतन आयोगाबाबत संसदेत (Parliament) चर्चा केली. लोकसभा निवडणुकीनंतर 8 व्या वेतन आयोगावर चर्चा होऊन त्याची अंमलबजावणी होणार असल्याच्या बातम्या येत आहेत. त्याचवेळी, मागील वेतन आयोगाच्या आधारे गणना केली जाईल.
असे मानले जाते की, सरकार 2024 च्या अखेरीस नवीन वेतन आयोग स्थापन करु शकते आणि 2026 मध्ये त्याची अंमलबजावणी केली जाऊ शकते. असे झाल्यास केंद्रीय कर्मचाऱ्यांच्या पगारात सर्वात मोठी वाढ होणार आहे.
7 व्या वेतन आयोगाच्या तुलनेत यामध्ये मोठे बदल होऊ शकतात. सुमारे 10 वर्षांनी वेतन आयोगात बदल करण्यात आला आहे.
केंद्रीय कर्मचाऱ्यांच्या संघटनांचे म्हणणे आहे की, सध्या किमान वेतन मर्यादा 18,000 रुपये ठेवण्यात आली आहे. यामध्ये वाढीमध्ये फिटमेंट फॅक्टरला खूप महत्त्व देण्यात आले आहे.
हा घटक 2.57 पट आहे, जरी 7 व्या वेतन आयोगात तो 3.68 पट ठेवण्याची शिफारस करण्यात आली आहे. यावर सरकारने सहमती दर्शवल्यास कर्मचाऱ्यांचे किमान वेतन 18 हजार रुपयांवरुन 26 हजार रुपये होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.