महाराष्ट्रातील ठाणे पोलिसांच्या वेबसाइटवर सायबर (Thane Police website hacked) हल्ला झाला असून ही वेबसाइट काही अज्ञातांकडून हॅक करण्यात आली आहे. मुंबईला लागून असलेल्या ठाणे शहरातील पोलिसांची अधिकृत वेबसाईट हॅक करण्यात आल्याची माहिती काही ठाणे पोलिसांनीच दिली.(Prophet Muhammad row)
मिळालेल्या माहितीनुसार, वेबसाइट सुरू होताच ‘हॅक्ड बाय वन हॅट सायबर टीम’ असा SMS दिसत आहे. वेबसाईट हॅक करणाऱ्या हॅकरने, ‘भारत सरकार, तुम्ही इस्लामच्या संदर्भात वारंवार अडथळे निर्माण करता, तुम्हाला सहिष्णुता दिसत नाही, लवकरात लवकर जगातील मुस्लिमांची माफी मागा, अन्यथा आम्ही शांत राहणार नाही,' असा संदेश हॅकर्सने वेबसाईटवर दिला आहे.
मागील काही वर्षांपासून सायबर अटॅक मोठ्या प्रमाणात होत आहे. वेबसाइट हॅक करण्याच्या घटनांमध्येही मोठी वाढ झाली आहे. केंद्रीय मंत्र्यांपासून ते अनेक महत्त्वाच्या व्यक्तींच्या, सेलिब्रिटिंच्या आणि संस्थांच्या वेबसाइट हॅक करण्यात आल्या आहेत. अशातच आज ठाणे पोलिसांचीही वेबसाइट हॅक झाल्याने मोठी खळबळ उडाली आहे. वेबसाइट हॅक झाल्याच्या वृत्ताला ठाणे वरिष्ठ पोलीस अधिकार्‍यांनीही दुजोरा दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
