'महाराष्ट्र झुकेगा नहीं’...फडणवीसांनी ठाकरे सरकारवर साधला निशाणा

महाराष्ट्राचे अर्थसंकल्पीय अधिवेशन उद्यापासून अर्थातच 3 मार्च सुरु होत आहे. याच्या एक दिवस आधीच म्हणजे बुधवारी महाराष्ट्र विधानसभेचे विरोधी पक्षनेते देवेंद्र फडणवीस यांनी पत्रकार परिषद घेऊन भाजपने विधानसभेतील चहापानावर बहिष्कार टाकल्याची घोषणा केली. फडणवीस (Devendra Fadnavis) यांनी अधिवेशनातून मुख्यमंत्री उद्धव ठाकरे (Uddhav Thackeray) यांच्या नेतृत्वाखालील महाविकास आघाडी सरकारवर जोरदार हल्लाबोल केला. (Devendra Fadnavis Criticized The Mahavikas Aghadi Government)

दरम्यान, महाविकास आघाडी सरकार दाऊद इब्राहिमला (Dawood Ibrahim) पूर्णपणे समर्पित असल्याचे फडणवीस यांनी म्हटले आहे. महाराष्ट्र सरकारमधील मंत्री नवाब मलिक (Nawab Malik) यांच्या राजीनाम्याची मागणी भाजप पूर्ण ताकदीने करणार असल्याचे देखील त्यांनी यावेळी स्पष्ट केले.

फडणवीस म्हणाले, 'ठाकरे सरकार मुंबईविरोधात कारस्थान करणाऱ्यांच्या पाठीशी उभे राहत आहे. परंतु महाराष्ट्र झुकणार नाही. ठाकरे सरकार दाऊद इब्राहिमसमोर पूर्णपणे नतमस्तक झाले आहे. महाराष्ट्र (Maharashtra) झुकणार नाही म्हणजे काय? महाराष्ट्र तुमचा आहे का?'

दुसरीकडे, महाविकास आघाडी सरकारच्या वतीने राष्ट्रवादीचे प्रदेशाध्यक्ष जयंत पाटील (Jayant Patil) यांनी नवाब मलिक यांचा राजीनामा कोणत्याही परिस्थितीत स्वीकारला जाणार नसल्याचे स्पष्ट केले. जी व्यक्ती ईडीच्या ताब्यात आहे, तो मंत्रिपदावर कसा राहू शकतो, असा युक्तिवाद भाजपने केला आहे. त्यावर प्रतिक्रिया देताना आघाडी सरकारचे नेते म्हणतात की, केंद्रीय मंत्री आणि भाजप नेते नारायण राणे यांना अटक झाली तेव्हा त्यांनी राजीनामा दिला होता का? मग नवाब मलिक यांनीही राजीनामा का द्यावा?

यावर भाजपने (BJP) युक्तिवाद असा केला की, 'दोन्ही प्रकरणे वेगळी आहेत. इथे हे प्रकरण राष्ट्रीय सुरक्षेशी संबंधित आहे. टेरर फंडिंग, डी कनेक्शन, देशाच्या शत्रूकडून जमीन खरेदी करण्याचा विषय आहे.' एकूणच अर्थसंकल्पीय अधिवेशनात मोठा गदारोळ होणार आहे.