पालघर जिल्ह्यातील मुंबई-अहमदाबाद महामार्गावर एका ट्रकने मागून कारला धडक दिली. या अपघातात नवजात बालकासह तिघांचा मृत्यू झाला. तर चार जण जखमी झालेत. जखमींना तातडीने रुग्णालयात दाखल करण्यात आले आहे. या घटनेबाबत अद्यापपर्यंत कोणताही गुन्हा दाखल झालेला नाही. कासा पोलीस ठाण्याच्या हद्दीतील एका मंदिराजवळ सकाळी 11.45 वाजता हा अपघात झाला.
एका कुटुंबातील सात सदस्य कारमधून मुंबईहून गुजरातला जात असताना एका मंदिराजवळ हा अपघात झाला. यात नरोत्तम राठोड (65), त्यांचा मुलगा केतन राठोड (32) आणि एक वर्षाचा आर.व्ही. राठोड अशी मृतांची नावे आहेत. जखमींमध्ये दिपेश राठोड (35), तेजल राठोड (32), मधु राठोड (58) आणि कार चालकासह अडीच वर्षांची मुलगी स्नेहल राठोड यांचा समावेश आहे.
अपघातात जखमी झालेल्यांना उपचारासाठी रुग्णालयात दाखल करण्यात आले आहे. या अपघाताबाबत अद्यापपर्यंत कोणताही गुन्हा दाखल करण्यात आलेला नाही. जखमींची प्रकृती पाहता त्यांचे जबाब नोंदवलेले नाहीत अशी माहिती पोलिसांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.