Bhuvneshwar Kumar: यंदाच्या आशिया कपसाठी टीम इंडियात स्थान न मिळालेल्या भुवनेश्वर कुमारबाबत एक मोठी बातमी समोर आली आहे.
गतवर्षी T20 मध्ये अप्रतिम कामगिरी करणाऱ्या कुमारला CEAT क्रिकेट रेटिंग अंतर्गत 'T20 Bowler of the Year' हा किताब देण्यात आला आहे.
भुवनेश्वर कुमारला मंगळवारी मुंबईत झालेल्या एका कार्यक्रमात हा पुरस्कार प्रदान करण्यात आला. या कार्यक्रमात टीम इंडियाचा कर्णधार रोहित शर्माही सहभागी झाला होता.
दरम्यान, CEAT लिमिटेड ने CEAT क्रिकेट रेटिंग पुरस्कार 2023 चे आयोजन मुंबईत केले होते. यामध्ये भारताच्या महिला आणि पुरुष खेळाडूंचा गौरव करण्यात आला.
या कार्यक्रमाद्वारे खेळाडूंना जून 2022 ते मे 2023 या कालावधीतील कामगिरीच्या आधारे पुरस्कार प्रदान करण्यात आले. महिला क्रिकेट संघाची स्टार अष्टपैलू खेळाडू दीप्ती शर्मा हिची 'CEAT महिला क्रिकेटर ऑफ द इयर' म्हणून निवड झाली आहे, तर युवा फलंदाज शुभमन गिलला वर्षातील सर्वोत्तम क्रिकेटर पुरस्कार 2023 देण्यात आला आहे.
भुवनेश्वरने या पुरस्कारासोबतचे त्याचे दोन फोटो त्याच्या अधिकृत इंस्टाग्राम अकाउंटवर शेअर केले आहेत. पहिल्या फोटोत तो पुरस्कार घेतलेला दिसत आहे तर दुसऱ्या फोटोत बी कुमार अवॉर्ड शोमध्ये हसताना दिसत आहेत.
दरम्यान, सध्या बी कुमार टीम इंडियातून बाहेर आहे. आशिया चषक 2023 साठी टीम इंडियाची घोषणा झाली तेव्हा त्याला कोणी विचारलेही नाही. विशेष म्हणजे, त्याच्या नावाची फारशी चर्चाही झाली नाही.
जसप्रीत बुमराह (Jasprit Bumrah), मोहम्मद शमी, मोहम्मद सिराज, प्रसिद्ध कृष्णा आणि शार्दुल ठाकूर यांना आशिया कपमध्ये वेगवान गोलंदाज म्हणून संधी देण्यात आली आहे.
अचूक लाईन-लेन्थ आणि स्विंग बॉलिंगसाठी ओळखल्या जाणाऱ्या भुवनेश्वरने गेल्या वर्षी 32 टी-20 सामन्यांमध्ये 19.56 च्या सरासरीने 37 बळी घेतले होते. भुवीने 4 धावांत 5 बळी अशी सर्वोत्तम कामगिरी नोंदवली होती. गेल्या वर्षी 32 टी-20 सामन्यांमध्ये त्याचा इकॉनॉमी रेट 6.98 होता.
भुवनेश्वर कुमारने (Bhuvneshwar Kumar) टीम इंडियासाठी 21 टेस्ट मॅचमध्ये 63 विकेट घेतल्या आहेत. 121 एकदिवसीय सामन्यात 141 तर 87 टी-20 सामन्यात 90. त्याने शेवटचा सामना नोव्हेंबर 2022 मध्ये न्यूझीलंडविरुद्ध खेळला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.