पणजी : गोवा क्रिकेट असोसिएशनने (Goa Cricket Association) आगामी रणजी करंडक (Ranji Trophy) व सीनियर क्रिकेट मोसमासाठी 24 संभाव्य खेळाडूंची निवड केली आहे. त्यात अनुभवींसह नवोदितांनाही संधी देण्यात आली. दिल्लीचे के. भास्कर पिल्लई (K. Baskar Pillai) यांची यापूर्वीच गोवा रणजी संघाच्या मुख्य प्रशिक्षकपदी नियुक्ती करण्यात आली आहे. मुंबईचा यष्टिरक्षक एकनाथ केरकर हा संभाव्य संघातील एकमेव पाहुणा खेळाडू आहे. बाकी दोघा पाहुण्या खेळाडूंची निवड नंतर होण्याचे संकेत आहेत. जीसीए सचिव विपुल फडके (Vipul Fadke) यांनी शुक्रवारी संभाव्य संघातील 24 खेळाडूंची नावे जाहीर केली. त्यांनी दिलेल्या माहितीनुसार, मोसमपूर्व सराव शिबिर प्रक्रिया सोमवारपासून (ता. 2) सुरू होईल.
सोमवारी सकाळी साडेनऊ वाजता सर्व खेळाडू व सपोर्ट स्टाफची पर्वरी येथील गोवा क्रिकेट अकादमी संकुलात आरटीपीसीआर चाचणी होईल. त्यानंतर चार ऑगस्टपासून नियमित सरावास सुरवात होईल. मुख्य प्रशिक्षक के. भास्कर पिल्लई 12 ऑगस्टपर्यंत गोव्यात दाखल होतील व ते सूत्रे स्वीकारतील, असे फडके यांनी नमूद केले. संभाव्य संघ विपुल फडके, क्रिकेट प्रशिक्षण-ऑपरेशन्स संचालक प्रकाश मयेकर, निवड समितीचे अध्यक्ष गिरीश पारेख, सदस्य आनंद म्हापणकर व संजय धुरी यांच्या समितीने निवडला.
गोव्याचा संभाव्य संघ ः अमोघ देसाई, आदित्य कौशिक, अमूल्य पांड्रेकर, दर्शन मिसाळ, दीपराज गावकर, एकनाथ केरकर, फेलिक्स आलेमाव, हेरंब परब, ईशान गडेकर, लक्षय गर्ग, मलिकसाब शिरूर, मंथन खुटकर, मोहित रेडकर, नेहाल सुर्लकर, राजशेखर हरिकांत, ऋत्विक नाईक, समर दुभाषी, समित आर्यन मिश्रा, स्नेहल कवठणकर, सुमीरन आमोणकर, सुयश प्रभुदेसाई, वैभव गोवेकर, विश्वंबर काहलोन, विजेश प्रभुदेसाई.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
