बंगळुरूमध्ये सुरू असलेला आयपीएल 2022चा लिलाव संपला आहे. सर्व 10 संघांनी आपली टीम पूर्ण केली आहे. हा लिलाव प्रत्येक संघासाठी खूप महत्त्वाचा ठरला होता कारण प्रत्येकाला सुरवातीपासून संतुलित संघ तयार करायचा होता. मात्र, हा लिलाव तीन संघांसाठी अत्यंत महत्त्वाचा होता, ज्यांना संघ आणि कर्णधारही विकत घ्यावा लागला. पंजाब किंग्ज, कोलकाता नाईट रायडर्स (KKR) आणि रॉयल चॅलेंजर्स बंगलोर (RCB), ज्यांनी IPL 2022 च्या लिलावात खेळाडूंसह त्यांच्या कर्णधाराची देखील खरेदी केली आहे. आयपीएल 2022 च्या लिलावापूर्वी त्याचा कर्णधार केएल राहुलने (KL Rahul) पंजाब सोडला. कोलकाताने इऑन मॉर्गनला हटवले आणि रॉयल चॅलेंजर्स बंगळुरूचा विराट कोहली (Virat Kohli) स्वतः कर्णधारपदावरून पायउतार झाला. (IPL 2022 Auction)
सर्वप्रथम, रॉयल चॅलेंजर्स बंगळुरू, ज्याची कमान विराट कोहली अनेक वर्षे सांभाळत होता, परंतु आयपीएल 2021 नंतर विराटने कर्णधारपद सोडण्याचा निर्णय घेतला. आता बंगळुरूने त्यांच्यासोबत काही सर्वोत्तम अनुभवी खेळाडूंचा समावेश केला आहे आणि त्यांना त्यांचा कर्णधारही मिळाला आहे. आयपीएल 2022 च्या लिलावात बंगळुरूने फाफ डू प्लेसिसला (Faf du Plessis) विकत घेतले आहे, जो संघाचा नवा कर्णधार होऊ शकतो असे वर्तवले जात आहे.
टीमचा आणखी एक खेळाडू हर्षल पटेल (Harshal Patel) याने स्टार माध्यमांशी संवाद साधताना मान्य केले आहे की डू प्लेसिस कर्णधारपदाच्या शर्यतीत आघाडीवर आहे कारण त्याने दीर्घकाळ दक्षिण आफ्रिकेचे नेतृत्व केले आहे आणि त्याला आयपीएलचा देखील भरपूर अनुभव आहे.
आयपीएल 2022 च्या मेगा लिलावापूर्वी केएल राहुलने पंजाब किंग्ज सोडले, या संघाने आपला कर्णधार देखील गमावला. पंजाब किंग्सने आपला कर्णधार लिलावात विकत घेतला असला तरी, शिखर धवन पंजाब किंग्जशी संबंधित आहे. या शर्यतीत आघाडीवर असल्याचे सांगितले जात आहे. धवन आयपीएलच्या प्रत्येक हंगामात रन कडतो आणि त्याचा अफाट अनुभव या संघासाठी नक्कीच उपयोगी पडू शकतो.
त्याच वेळी, तो खेळाडूंमध्ये देखील खूप लोकप्रिय आहे आणि त्याचा मूड खूप मस्त आहे. कोलकाता नाईट रायडर्स (KKR) देखील आयपीएल 2022 च्या लिलावात त्यांच्या कर्णधाराच्या शोधात होते. या फ्रँचायझीचा शोधही आता संपताना दिसत आहे. इयॉन मॉर्गनच्या नेतृत्वाखाली, या फ्रँचायझीने आयपीएल 2021 चा अंतिम सामना खेळला होता परंतु कर्णधार स्वतः फॉर्ममध्ये नसल्याने प्रथमच आयपीएल संघाला परदेशी कर्णधार बनवण्याचे दुष्परिणाम कळले होते. यावेळी केकेआर देशातीलच कर्णधार बनवणार असल्याचे दिसते आणि या शर्यतीत श्रेयस अय्यर आघाडीवरती आहे. अय्यरने दिल्ली कॅपिटल्सचे नेतृत्व केले आहे आणि त्याने या संघाला प्लेऑफ आणि अंतिम फेरीत स्थान मिळवून दिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
