BJP Post on Rohit Sharma: भारत आणि न्यूझीलंड यांच्यात झालेल्या अंतिम सामन्यात किविंचा पराभव करून भारत विश्वविजेता बनलाय. सहा बॉल बाकी ठेवत चार विकेट्ससह भारताने विजय नोंदवला. यानंतर सोशल मीडियावर मिमीसचा पाऊस पडत आहे आणि मजेशीर गोष्ट म्हणजे यात भारतीय जनता पक्ष देखील सामील झालाय. भाजपने रोहित शर्माला पुष्पाच्या वेशात पोस्ट करत सोशल मीडियावर विरोधी पक्षावर टीकास्त्र सोडलंय. पण असं का? चला जाणून घेऊया..
भारतीय जनता पक्षाने भारतीय क्रिकेट कर्णधार रोहित शर्मावर केलेल्या एका टिप्पणीवरून काँग्रेस नेत्या शमा मोहम्मद यांच्यावर उपहासात्मक टीका केली आहे. आयसीसी चॅम्पियन्स ट्रॉफी २०२५ मध्ये भारताच्या विजयानंतर, मोहम्मद यांनी शर्मा यांच्या नेतृत्वाचे कौतुक केले आणि यानंतर भाजप आक्रमक झाला.
भाजपने त्यांच्या अधिकृत एक्स अकाउंटवर 'पुष्पा' चित्रपटातील एक जीआयएफ शेअर केलीये, ज्यात पुष्पा म्हणजेच अल्लू अर्जुनच्या जागी रोहितचा फोटो लावलाय. आणि कॅप्शन दिले, "अनफिट समजा क्या? सुपरफिट है मैं!"
काही दिवसांपूर्वी काँग्रेस नेत्या शमा मोहम्मद यांनी भारतीय क्रिकेटचा कर्णधार रोहित शर्मा याला अनफिट आणि जाड असं म्हटलं होतं. आणि त्याला वजन कमी करण्याची आवश्यकता असल्याचं सुचवलं होतं. मोहम्मद यांच्या त्या टिप्पणीमुळे सर्वत्र संताप व्यक्त झाला होता आणि त्यांनी पोस्ट डिलीट करून माफी मागितली होती. मात्र चॅम्पियन्स ट्रॉफी विजयानंतर शर्माच्या नेतृत्वाचे त्यांनी कौतुक केल्यानंतर भाजपने शास्त्र उगारलं.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.