Fenugreek Ayurvedic Medicine: मेथीच्या दाण्यांमध्ये आहेत 'हे' आश्चर्यकारक फायदे

Fenugreek Benefits : मेथीचे दाणे दिसायला जरी छोटे असले तरी देखील त्यामध्ये असणारे गुणधर्म फार मोठे आहेत. चवीला कडू असलेल्या या छोट्याशा मेथीच्या दाण्यामध्ये असंख्य असे आश्चर्यकारक फायदे आहेत. विशेष म्हणजे मेथीचे दाणेच नाही तर त्याच्या पानांचाही अनेक आजारांवर उपाय केला जातो. असे पाहिला गेले तर शेकडो वर्षांपासून मेथीचा अनेक आजारांवर उपाय करण्यात आला आहे.

मेथीचे गुणधर्म:-

मेथीमध्ये नियासिन, पोटॅशियम, प्रोटीन, फायबर, व्हिटॅमिन सी, लोह इत्यादी मुबलक प्रमाणात असते. यात डायोजेनिन नावाचे संयुग असते. जे सेक्स हार्मोन इस्ट्रोजेन वाढवण्याचे काम करते. यासोबत मेथी लैंगिक समस्या दूर करण्याचे काम करते. मेथीच्या बिया लैंगिक शक्ती वाढवतात. तसेच लैंगिक सहनशक्ती वाढवतात.

मेथीचे दाणे मसूर आणि भाज्यांमध्ये मसाला म्हणून वापरता येतात. वाळलेल्या मेथीचे दाणे पावडरच्या स्वरूपात बारीक करा आणि नंतर आपल्या मसाल्याच्या मिश्रणात घाला. हा मसाला कोणत्याही डिशमध्ये वापरा.

केसांवर कसे लावायचे:-

मूठभर मेथीचे दाणे एक कप पाण्यात रात्रभर भिजत ठेवा. सकाळी गॅसवर हे धान्य आणि पाणी उकळून घ्या. उकळल्यानंतर त्यांना थंड होऊ द्या आणि मग दाणे मिक्सरमध्ये बारीक करून पेस्ट बनवा. पेस्ट आणि पाणी मिसळा आणि तयार केलेली पेस्ट लावा.

हृदयाच्या आरोग्यासाठी:-

मेथीच्या दाण्यांमध्ये गॅलेक्टोमनन नावाचे तत्व असतात. ज्यामुळे हृदयविकाराचा धोका कमी होतो. मेथीमध्ये पोटॅशियमचे प्रमाणही जास्त असते. जे सोडियमचे परिणाम कमी करून हृदयाचे ठोके आणि रक्तदाब नियंत्रित करते.

मधुमेह नियंत्रित राहण्यास मदत:-

मेथीमुळे मधुमेह नियंत्रित राहण्यास मदत होते. मधुमेहाच्या रुग्णांसाठी मेथी हे एक वरदान आहे. मेथीमध्ये विरघळणारे फायबर गॅलेक्टोमन असते. जे रक्तातील साखरेचे शोषण कमी करण्यास मदत करतात. याकरता मेथी चांगली भाजून त्याची पावडर तयार करा. ही पावडर सकाळी रिकाम्या पोटी एक चमचा घ्या. यामुळे मधुमेह नियंत्रित राहतो. 

वजन कमी करण्यासाठी फायदेशीर:-

मेथीचे दाणे वजन कमी करण्यासाठी खूपच फायदेशीर आहे. मेथी दाणे चांगले भाजून त्याची पावडर तयार करा. हे चूर्ण सकाळी कोमट पाण्यासोबत खावे. जर तुम्हाला मेथीची पावडर खाणे शक्य नसेल तर रिकाम्या पोटी भिजवलेल्या मेथीचे सेवन केल्याने वजन कमी होण्यास मदत होते. कारण पोट बराच वेळ भरलेले राहते. यामुळे पोटाची चरबी जाळली जाते. त्यामुळे वजन कमी होते.