Sunburn Goa 2023: बहुचर्चित ‘सनबर्न’चे यंदा चार दिवस आयोजन करण्‍याचे घाटत होते. परंतु 31 डिसेंबरला महोत्‍सव होऊ नये, अशी जोरदार मागणी झाल्‍यानंतर सरकारनेही साजेशी भूमिका घेतली होती.
आता आयोजकही ‘बॅकफूट’वर गेले असून, 31 रोजी बूक केलेल्‍या तिकिटांचे पैसे परत केले जातील, अशी माहिती आयोजक हरिंदर सिंग यांनी दिली आहे.
हा महोत्‍सव 28, 29 व 20 डिसेंबरला होईल. शिवाय तो रात्री 10 पर्यंतच सुरू राहील. आयोजकांची रात्री 12 पर्यंत सनबर्न सुरू ठेवण्‍याची मागणी फेटाळण्‍यात आली आहे.
व्यवसाय, मनोरंजन यासारख्या गोष्टींवर मर्यादा हव्यात. सनबर्नच्या आयोजनातून हे प्रकार उघड होत असून तीन दिवसांसाठी सनबर्न ठीक आहे.
त्यामुळे 31 डिसेंबरला होणाऱ्या सनबर्नच्या आयोजनावर बंदी असावी, अशा शब्दांत हळदोणाचे आमदार अ‍ॅड.
कार्लुस फेरेरा यांनी थर्टी फस्टच्या संध्येला होणाऱ्या सनबर्न कार्यक्रमास विरोध केला. कारण, या दिवशी होणाऱ्या सनबर्नमुळे वाहतूक कोंडीची समस्या निर्माण होते. सोमवारी ते माध्यमांसमोर बोलताना त्यांनी वरील प्रतिक्रिया दिली.
यापूर्वी सनबर्न 30 डिसेंबरपर्यंतच आयोजित केला जायचा. मात्र, यंदा आयोजकांनी आशा वाढली आहे. सध्या आयोजकांकडून 31 रोजीच्या कार्यक्रमाची जाहिरातबाजी व तिकीट विक्री सुरूच आहे.
हा त्यांचा प्रश्न असून सरकारकडून विशेषतः मुख्यमंत्री डॉ. प्रमोद सावंत यांनी जुने गोवे फेस्ताच्या पार्श्वभूमीवर तसेच पर्यटनमंत्र्यांनी 31 रोजी सनबर्न होणार नसल्याचा दिलेला शब्द पाळण्याची गरज फेरेरा यांनी व्यक्त केली.
यापूर्वी एकदा असाच प्रकार घडलेला. एका मंत्र्यांनी आयोजकांसोबत अखेरच्या क्षणी डिल करून सनबर्नला परवानगी दिली होती. याप्रकारची पुर्नरावृत्ती आता होऊ नये, अशी मागणी त्यांनी केली.
31 डिसेंबरच्या पूर्वसंध्येस गोव्यात लोकांची मोठी वर्दळ असते, याशिवाय स्थानिक लोक नवीन वर्षाच्या स्वागतासाठी उत्सुक असतात.
त्यामुळे ३१ रोजी सनबर्नचे आयोजन केल्यास लोकांना त्याचा प्रचंड त्रास व गैरसोय होऊन मोठी वाहतूक कोंडी होईल. तसेच, कायदा-सुव्यवस्थेचा प्रश्नही निर्माण होऊ शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
