New Zuari Bridge: नवीन झुआरी पुलाच्या दुसऱ्या लेनचे काम पूर्ण झाले आहे. आता त्‍याचे उद्‌घाटन 22 डिसेंबर रोजी केंद्रीय वाहतूक आणि महामार्गमंत्री नितीन गडकरी यांच्‍या हस्‍ते करण्‍यात येणार आहे, अशी माहिती दिलीप बिल्डकॉनचे उपाध्यक्ष अतुल जोशी यांनी दिली.
गोव्यातील प्रत्येकजण नवीन झुआरी पुलाची दुसरी लेन खुली होण्‍याची आतुरतेने वाट पाहत आहे. ही लेन खुली झाल्याने वाहतूक सुरळीत होण्यास मदत होणार आहे.
तिचे काम 10 डिसेंबरपर्यंत पूर्ण करण्‍यात येईल असे सांगण्‍यात आले होते. त्‍यानुसार काम जवळपास पूर्ण झाल्याचे दिसत आहे.
अतुल जोशी यांनी सांगितले की, हल्लीच या दुसऱ्या लेनची लोड टेस्ट पूर्ण झाली आहे. येत्या 22 तारखेला उद्‌घाटन झाल्‍यानंतर ही लेन वाहनांसाठी खुली करण्‍यात येईल. त्‍यामुळे वाहनचालकांना मोठा दिलासा मिळेल व वाहतूक गतिमान होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
