पणजी : Goa Curfew Update राज्यातील संचारबंदी(curfew) येत्या 28 जूनपर्यंत सकाळी 7 वाजेपर्यंत आहे. सध्या डेल्टा प्लस व्हेरिएंटमुळे(Delta Plus Variant) ही संचारबंदी आणखी काही दिवस वाढण्याची शक्यता मुख्यमंत्री डॉ. प्रमोद सावंत(CM Pramod Sawant) यांनी व्यक्त केली आहे. राज्यातील गोमेकॉ इस्पितळ तसेच सुपरस्पेशिलिटी ब्लॉक इस्पितळ वगळता इतर सर्व कोविड इस्पितळांचा समावेश केलेली अधिसूचना रद्द करण्यात आली आहे. त्यामुळे या इस्पितळामधील पूर्वीप्रमाणे दैनंदिन बाह्यरुग्ण विभाग (ओपीडी) पूर्ववत सुरू होणार असल्याची माहिती त्यांनी दिली.(Goa Curfew Update Pramod Sawant Said curfew is likely to be extended for more days due to the Delta Plus variant)
गोवा सरकारने कोविड संचारबंदीत 28 जून सकाळी 7 वाजेपर्यंत वाढ करण्याचा निर्णय घेतला आहे. आठवडाभरासाठी केलेली ही संचारबंदीची तिसरी वेळ आहे. यावेळी सरकारने मासळी बाजार खुले करण्यास मुभा दिली आहे. याशिवाय मॉलमधील दुकानेही सकाळी 7 ते दुपारी 3 यावेळीत खुली राहतील. असे सावंत यांनी सांगितले.
या संचारबंदी वाढीबाबतचे आदेश जिल्हाधिकाऱ्यांच्या पातळीवर जारी करण्यात आली आहे. केंद्र सरकारने कोविड प्रतिबंधात्मक उपाययोजना 30 जूनपर्यंत कायम ठेवण्याची सूचना केली आहे. यामुळे राज्यातील कोविड रुग्णसंख्या आटोक्यात आली मृत्यू दर घटत असला तरी राज्य सरकारने प्रत्येकवेळी काही गोष्टींना मुभा देत संचारबंदीत वाढ करणे सुरु ठेवले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
