पणजी - राज्यात पुन्हा पावसाचा जोर वाढला आहे. त्यामुळे गुरुवारी पुन्हा ‘यलो अलर्ट’ जारी करण्यात आला. बुधवारी (ता. 23) वेधशाळेने कोणताही अलर्ट जारी केला नव्हता. पण, पावसाने या अंदाजाला हुलकावणी दिली.
दिवसभर पावसाची रिपरीप सुरूच होती. पेडणे आणि वाळपई भागात नेहमीप्रमाणे पावसाचा जोर होता. वेधशाळेने पावसाचा जोर ओसरेल, असा अंदाज वर्तविला होता. मात्र शुक्रवारी राज्यात पावसाचा जोर वाढणार असल्याचे सांगत हवामान वेधशाळेने ‘यलो अलर्ट’ जारी केला आहे, असे एम. राहुल यांनी सांगितले.
पन्नास टक्क्यांहून अधिक पेरण्या पूर्ण
राज्यात पावसाचा जोर ओसरल्यानंतर 50 टक्क्यांहून अधिक पेरण्या आणि लागवड पूर्ण झाली आहे. येत्या आठवडाभरात उद्दिष्टपूर्ती होईल, असे सहाय्यक कृषी संचालक प्रसन्नकुमार यांनी ‘गोमन्तक’शी बोलताना सांगितले.
राज्यात यंदा सुमारे 27 हजार हेक्टर जमिनीत भाताची लागवड करण्याचे उद्दिष्ट आहे. आतापर्यंत 250 टन भात बियाण्यांचे वितरण करण्यात आले. शेतकरी भाताचे वाफे मान्सूनपूर्व काळात तयार ठेवतात. मान्सून वेळेत पोहचल्याने शेतकऱ्यांना भात लागवडीसाठी अनुकूल वातावरण मिळाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.