Michael Lobo: कळंगुट मतदारसंघाचे माजी आमदार तथा मंत्री राहिलेल्या मायकल लोबो यांनी पक्ष त्याग केल्याचा भाजपवर (BJP) काडीचाही परिणाम होणार नसून उलट या भागातील निष्ठावान पक्ष कार्यकर्ते जोमाने पक्षाच्या विजयासाठी पुन्हा सज्ज झाले असल्याचे मुख्यमंत्री डॉ. प्रमोद सावंत (CM Pramod Sawant) यांनी सांगितले.
सामाजिक कार्यकर्ते गुरुदास शिरोडकर यांनी नुकताच पणजीत पक्षाच्या कार्यालयात मुख्यमंत्री डॉ. प्रमोद सावंत यांच्या उपस्थितीत आपल्या दोनशे कार्यकर्त्यांसमवेत भाजपात फेरप्रवेश केला. यावेळी मुख्यमंत्री बोलत होते.
पक्षाध्यक्ष सदानंद तानावडे (Sadanand Shet Tanawade) तसेच कार्यकर्ते सुदेश शिरोडकर कार्यकर्ते उपस्थित होते. कळंगुटचे (Calangute) माजी आमदार मायकल लोबो (Michael Lobo) यांच्यामुळेच मी एकेकाळी भाजपपासून दूर गेलो होतो, परंतु आता लोबोंच पक्षातून स्वत:हून दूर गेलेले असल्याने आपण स्वखुशीने पक्षात फेरप्रवेश करत असल्याचे शिरोडकर यांनी यावेळी सांगितले. माजी मंत्री लोबोंच्या पक्ष त्यागामुळे कळंगुटची जागा रिक्त झालेली आहे. त्यामुळे मी त्या जागेवर दावा करणार असल्याची घोषणा शिरोडकर यांनी यावेळी केले. कळंगुटची जागा यापुढे पक्षासाठी राखून ठेवायची असल्याच पक्ष श्रेष्ठींनी येत्या विधानसभा निवडणुकीसाठी आपला प्रामुख्याने विचार करावा, असेही शिरोडकर यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
