Goa Congress: 'जायचंय त्यांनी खुशाल निघा, पक्ष एकावर चालत नाही'; गोवा काँग्रेस नेत्यांना ठाकरेंची तंबी

Goa Congress Latest News: बेशिस्तपणा करणाऱ्या व्यक्तींवर कठोर कारवाई केली जाईल, असा इशारा ठाकरे यांनी दिला.
manikrao thakre Goa Congress
manikrao thakreDainik Gomantak
Published on
Updated on

पणजी: गोवा काँग्रेसमध्ये बेशिस्तपणे वागणाऱ्या नेत्यांना प्रभारी माणिकराव ठाकरे यांनी चांगलेच फैलावर घेतले. बेशिस्तपणे वागणाऱ्यांवर कडक कारवाई केली जाईल, अशी तंबी ठाकरेंनी दिली आहे. तसेच, ज्यांना पक्ष सोडायाचाय त्यांनी खुशाल सोडावा, असेही ठाकरे यावेळी म्हणाले.

गोवा महिला काँग्रेस अध्यक्षा प्रतिक्षा खलप यांचा शपथ ग्रहण सोहळा पार पडला. यावेळी प्रभारी माणिकराव ठाकरे बोलत होते. या सोहळ्याला प्रदेशाध्यक्ष अमित पाटकर, अखिल भारतीय महिला काँग्रेसच्या अध्यक्षा अलका लांबा, प्रभारी सचिव डॉ. अंजली निंबाळकर, गिरीश चोडणकर आणि इतर पदाधिकारी व नेते उपस्थित होते.

manikrao thakre Goa Congress
Horse Died In Mapusa: अज्ञात वाहनाच्या धडकेत घोडा ठार; मालकाविरोधात तक्रार

"गोवा काँग्रेसमधील काही लोक माध्यमांमध्ये चुकीचा संदेश पसरवत आहेत. या लोकांना शिस्तीचा विसर असून, पक्षात बेशिस्तपणा खपवून घेतला जाणार नाही. बेशिस्तपणा करणाऱ्या व्यक्तींवर कठोर कारवाई केली जाईल", असा इशारा ठाकरे यांनी दिला. तसेच, "कोणाला पक्ष सोडायचा असेल तर खुशाल सोडावा, पक्ष कोणा एका व्यक्तीवर चालत नाही", असेही ठाकरे यावेळी म्हणाले.

"नव्याने नियुक्त महिला काँग्रेस अध्यक्षा प्रतिक्षा खलप १५ दिवसांत पायउतार होणार अशा अफवा काहीजण मुद्दाम पसरवत आहेत. काँग्रेसला मागे खेचण्यात अंतर्गत लोक गुंतलेत. काँग्रेसची बदनामी आणि अफवा पसरवणाऱ्यांची नावे कळवावीत", असे प्रदेशाध्यक्ष अमित पाटकर म्हणाले.

manikrao thakre Goa Congress
Goa Ram Niwas: जय श्री राम! गोवा सरकारला अयोध्येत मिळाली जागा, लवकरच उभे राहणार 'राम निवास'

आप नेत्या आतिषी यांनी युतीबाबत केलेल्या वक्तव्यावर अंजली निंबाळकर यांनी भाष्य केले. "दिल्लीने विधानसभा निवडणुकीत तुम्हाला वास्तव दाखवले आहे. गोव्यात येऊन अशी वक्तव्य करण्यापूर्वी पहिल्यांदा दिल्ली वाचवा", अशी टीका निंबाळकर यांनी केली. तसेच, "आप आणि तृणमूल काँग्रेस केवळ मतं फोडण्याचे काम करतात. येत्या निवडणुकीत लोक काँग्रेसला साथ देतील", असा विश्वास त्यांनी व्यक्त केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com