Horse Died In Mapusa: अज्ञात वाहनाच्या धडकेत घोडा ठार; मालकाविरोधात तक्रार

Mapusa Goa Accident: जखमी घोड्याला प्राण्यांच्या रुग्णालयात दाखल करण्यात आले. उपचारादरम्यान, घोड्याचा मृत्यू झाला आहे.
Horse Died In Mapusa Goa
HorseDainik Gomantak
Published on
Updated on

म्हापसा: अज्ञात वाहनाच्या धडकेत घोडा ठार झाल्याची घटना शुक्रवारी (२१ मार्च) सकाळी उघडकीस आली. या घटनेची प्राणी विरोधातील क्रूरता प्रतिबंधक जिल्हा सोसायटीने गंभीर दखल घेतली असून, घोडा मालकाविरोधात तक्रार दाखल केली आहे. घोडा मालकाने प्राण्याच्या सुरक्षेसाठी पुरेशी काळजी न घेतल्याचे तक्रारीत म्हटले आहे.

गिरी म्हापसा परिसरात महामार्गावर एक घोडा फिरत होता. मार्गावर तो फेऱ्या मारत असल्याने वाहनांना अडथळा ठरत होता. दरम्यान, शुक्रवारी सकाळी एका अज्ञात भरधाव वाहनाने दिलेल्या धडकेत घोडा गंभीर जखमी झाला. त्याच्या डोक्याला आणि पायाला गंभीर दुखापत झाली. जखमी घोड्याला प्राण्यांच्या रुग्णालयात दाखल करण्यात आले. उपचारादरम्यान, घोड्याचा मृत्यू झाला आहे.

Horse Died In Mapusa Goa
Goa Ram Niwas: जय श्री राम! गोवा सरकारला अयोध्येत मिळाली जागा, लवकरच उभे राहणार 'राम निवास'

या घटनेची उत्तर गोवा प्राणी विरोधातील क्रूरता प्रतिबंधक जिल्हा सोसायटीने गंभीर दखल घेतली आहे. मालकाने घोड्याला बेवारस सोडल्याने महामार्गावर त्याचा अपघातात मृत्यू झाला. याप्रकरणी मालकाविरोधात तक्रार दाखल केल्याचे सोसायटीने प्रसिद्ध केलेल्या प्रसिद्धीपत्रकात म्हटले आहे. प्राणी विरोधातील क्रूरता प्रतिबंधक कायदा नियम दोन आणि बीएनएस कायदा ३२५ अंतर्गत मालकाविरोधात तक्रार दाखल करण्यात आली आहे.

Horse Died In Mapusa Goa
Beef Seized In Goa: गोव्यात अवैध तस्करी सुरुच; मोले तपासणी नाक्यावर सुमारे दोन टन 'गोमांस' जप्त

घोडा मालकाने यापूर्वी देखील अशाप्रकारचे दुर्लक्ष केल्याचे तक्रारीत म्हटले आहे. याबाबतचे फोटो आणि व्हिडिओ पुरावे उपलब्ध असून, मालकाने याबाबत वारंवार सूचित करण्यात आले होते, असेही तक्रारीत म्हटले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com