पणजी: गोवा फॉरवर्ड पक्षाचे सरचिटणीस आणि प्रवक्ते दुर्गादास कामत यांनी आज (दि.6 नोव्हेंबर) रोजी सकाळी एक्स किंवा ट्विटर या सोशल मीडियाच्या माध्यमातून गोवा विद्यापीठातील 348 शिक्षकेतर कर्मचाऱ्यांना अद्याप दिवाळीचा बोनस न मिळाल्याबद्दल खंत व्यक्त केली होती आणि आता समोर आलेल्या माहितीनुसार गोवा विद्यापीठ प्रशासनाने शिक्षकेतर कर्मचाऱ्यांचा दिवाळी बोनस जारी केला आहे.
दुर्गादास कामत यांनी केलेल्या ट्विट नुसार गोवा विद्यापीठातील शिक्षकेतर कर्मचाऱ्यांना 6,900 रुपयांचा वार्षिक दिवाळी बोनस दिला गेला नव्हता आणि याची एकूण रक्कम 24 लाखांच्या घरात जाणारी होती.
आपल्या ट्विटमधून त्यांनी विद्यापीठाला त्वरित “दादागिरी” बंद करण्याचा आदेश दिला होता तसेच राज्याचे मुख्यमंत्री डॉ. प्रमोद सावंत यांना एकूण प्रकरणात हस्तक्षेप करून शिक्षकेतर कर्मचाऱ्यांची मदत करण्याचे आवाहन केले होते.
शिवाय आता सरकारी कर्मचाऱ्यांचा महागाई भत्ता जुलै महिन्याच्या थकबाकीसह नोव्हेंबरमध्ये दिला जाणार आहे. सरकारी कर्मचाऱ्यांना मिळणाऱ्या महागाई भात्यात 3 टक्क्यांची वाढ झाल्याने हा आकडा 50 वरून 53 टक्क्यांवर जाऊन पोहोचला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.