गोवा विद्यापीठात रिमोट सेन्सिस आणि जीआयएस अभ्यासक्रमासाठी जाहिरात करण्यात आलेल्या पदांबाबत गोवा फॉरवर्ड पक्षाच्या वतीने आक्रमक पवित्रा घेण्यात आला आहे. या पदांबाबत कुलगुरुंनी अद्याप समाधानकारक उत्तरे दिले नसल्याचे पक्षाच्या वतीने आज (21 ऑक्टोबर) सांगण्यात आले. जोपर्यंत आम्हाला कुलगुरुंकडून आपेक्षित उत्तरे मिळत नाहीत तोपर्यंत ही पदे भरु देणार नसल्याचे पक्षाचे नेते प्रशांत नाईक यांनी सांगितले. नाईक यांनी पणजीत पत्रकार परिषद घेवून हा इशारा दिला.
दरम्यान, आम्ही या पदांच्या भरतीला याआगोदर विरोध केला होता. आज (21 ऑक्टोबर) आम्ही कुलगुरुंना भेटण्यासाठी आम्ही गेलो होतो. आरक्षित पदे का काढण्यात आली, पंधरा वर्षे रहिवाशी असण्याची अट का शिथिल करण्यात आली? असे सवाल आम्ही त्यांना यावेळी केले. मात्र कुलगुरुंना आमच्या प्रश्नांची उत्तरे देता आली नाहीत. मिळालेल्या माहितीनुसार, गोवा विद्यापीठाकडून (Goa University) अद्याप अभ्यासक्रम जाहीर करण्यात आलेला नाहीये.
नाईक पुढे म्हणाले की, कुलगुरुंनी आमच्या प्रश्नांची तात्काळ उत्तरे द्यावीत अन्यथा आम्ही मोठे आंदोलन करु. विद्यापीठाचे कुलपती म्हणून राज्यपालांनी यासंबंधी दखल घ्यावी. आम्हाला विद्यापीठाकडून योग्य प्रतिसाद नाही मिळाला तर आम्ही राज्यपालांची भेट घेवून त्यांच्या समोर हे प्रकरण मांडू. गोवा विद्यापीठात गोमंतकीयांना प्राधान्य देण्यात येईल असे दिक्षांत समारंभात बोलताना सांगितले होते. मात्र स्थानिक भूमिपुत्रांना वगळून खप्पा मर्जी असलेल्या लोकांनाच नोकरीसाठी प्राध्यन्य क्रम दिला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.