Goa Politics: ‘जसे कर्म करता, तसे फळ मिळते’, मंत्री ढवळीकरांनी गोविंद गावडेंना काढला चिमटा Watch Video

Sudhin Dhavlikar On Govind Gaude: प्रियोळमध्ये पक्ष मजबूत करण्याबाबत बोलताना ढवळीकर म्हणाले, मगो प्रियोळच नव्हे तर संपूर्ण गोव्यात सक्रिय आहे.
Sudhin Dhavlikar On Govind Gaude
Sudhin DhavlikarDainik Gomantak
Published on
Updated on

पणजी: मुख्यमंत्री प्रमोद सावंत यांच्याकडे असलेल्या खात्यावर भ्रष्टाचाराचे आरोप करणाऱ्या मंत्री गोविंद गावडे यांची मंत्रिमंडळातून हकालपट्टी करण्यात आलीय. गावडे यांच्यावरील कारवाईवर भाष्य करताना मंत्री सुदीन ढवळीकरांनी, ‘जसे कर्म असतात तसे फळ मिळते,’ अशी प्रतिक्रिया देत गावडेंना चिमटा काढला.

मुख्यमंत्री सावंत यांच्याकडे असलेल्या आदीवासी कल्याण खात्यात भ्रष्टाचाराचा आरोप गोविंद गावडे यांनी प्रेरणा दिनाच्या कार्यक्रमात केला होता. श्रमशक्ती भवनखाली कंत्राटदाराकडून पैसे घेऊन फाईल मंजूर केल्या जातात असे गावडे म्हणाले होते. गावडेंच्या वक्तव्याची पक्ष आणि स्वत: मुख्यमंत्री सावंतांनी गंभीर दखल घेतली. पक्षशिस्तीचा भंग केल्याप्रकरणी अखेर गावडेंना मंत्रिमंडळातून हकालण्यात आले.

Sudhin Dhavlikar On Govind Gaude
GTDCची मोन्सून ट्रेकिंग ऑफर! तांबडी सुर्ला धबधब्यासोबत निसर्गाची अनोखी सफर; अधिक माहितीसाठी वाचा

वीज खात्याचे खात्याचे मंत्री सुदीन ढवळीकर यांना याबाबत विचारणा करण्यात आली असता त्यांनी गोविंद गावडे यांना चिमटा काढला. ‘जसे कर्म असतात तसे फळ मिळते,’ अशी प्रतिक्रिया देत ढवळकरांनी गावडेंना डिवचले. प्रियोळमध्ये पक्ष मजबूत करण्याबाबत बोलताना ढवळीकर म्हणाले, मगो प्रियोळच नव्हे तर संपूर्ण गोव्यात सक्रिय आहे. केवळ त्याला उभारी देण्याची गरज आहे. युतीत देखील मगोचे काम सुरुच राहील, असे ढवळीकरांनी स्पष्ट केले.

गोविंद गावडे यांनी गेल्या काही दिवसांपूर्वी एक खासगी वाहिनीला दिलेल्या मुलाखतीत, ढवळीकरांना राजकाणात आणले ही सर्वात मोठी चूक असल्याचे म्हटले होते. राज्यातील बहुजनांमध्ये फूट पाडण्याचे काम ढवळीकरांनी केले तसेच, लाचारीचा मार्ग देखील यांनीच दाखवला, अशी जहरी टीका गोविंद गावडेंनी केली होती. घराघरांत वाद लावण्याचे काम देखील ढवळीकरांनी केल्याची टीका गावडेंनी केली होती.

Sudhin Dhavlikar On Govind Gaude
Haath Kaatro Khamb: पोर्तुगिजांनी छळात हात कापले; गोमंतकीयांच्या वेदनांची कहाणी कोरलेला ओल्ड गोव्यातील 'हातकात्रो खांब'

दरम्यान, गोविंद गावडे यांना मंत्रिमंडळातून निष्कासित केल्यानंतर आणखी दोन मंत्र्यांना घरचा रस्ता दाखवला जाण्याची शक्यता आहे. आगामी पावसाळी अधिवेशनापूर्वी राज्य मंत्रिमंडळात फेरबदल होण्याची शक्यता आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com