पणजी: रिक्षाला कार घासल्याने संतप्त रिक्षाचालकाने फोंड्याचे माजी आमदार लवू मामलेदार यांच्यावर हात उचलला. दिवंगत लवू आणि बेळगाव येथील स्थानिक रिक्षाचालकाच्या वादानंतर त्यांना हृदयविकाराचा झटका आल्याने त्यांचा दुर्दैवी मृत्यू झाला होता. शनिवारी (दि. १५) रोजी बेळगावातील खडेबाजरात हा प्रकार घडला होता. याप्रकरणात माजी आमदार लवू मामलेदार यांच्या मृत्यूप्रकरणी सनदीला अटक करण्यात आली होती आणि सुनावणीनंतर बेळगाव न्यायालयाने रिक्षाचालक अमीरसुहिल शकीलसाब सनदीला १४ दिवसांची न्यायालयीन कोठडी सुनावली आहे.
माजी आमदार लवू मामलेदार यांची बेळगावमध्ये ये-जा असायची. त्यांची मुलं बेळगावमध्ये शिकायला आहेत आणि म्हणूनच यावेळी देखील लवू बेळगावमध्ये गेले होते. दरम्यान अनावधानाने त्यांची गाडी एका रिक्षेला लागली आणि रिक्षाचालकाने संतापून माजी आमदारांवर वार केला.
श्रीनिवास लॉजचे कर्मचारी अडिवेप्पा करलिंगन्ना यांनी दिलेल्या माहितीनुसार लवू मामलेदार हे त्यांच्या श्रीनिवास लॉजचे नियमित ग्राहक होते. अनेकवेळा सांगून देखील रिक्षावाला ऐकायला तयार नव्हता आणि शेवटी लॉजच्या कारभाऱ्यांनी लवू यांना सुरक्षित लॉजमध्ये आणले होते.
दिवंगत आमदार लवू मामलेदार यांच्या स्मृतींना उजाळा देताना मुख्यमंत्री म्हणाले की, यांनी पोलिस सेवेत असताना राज्याच्या सुरक्षिततेसाठी मोठं योगदान दिलं होतं. त्यानंतर राजकारणात प्रवेश करून त्यांनी जनतेच्या सेवेसाठी आपलं संपूर्ण आयुष्य समर्पित केलं. त्यांचे कार्य कायम स्मरणात राहील. त्यांच्या अशा दुर्दैवी जाण्यानं एक तळमळीचा नेता आणि कर्तव्यनिष्ठ अधिकारी हरपला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.