Corruption In Goa: 'एका फाईलसाठी मंत्र्याला दिली 20 लाखांची लाच, गोव्यात भ्रष्टाचार नव्हे लूट सुरुये'; माजी मंत्र्यांचा खळबळजनक आरोप

Corruption In Goa: भाजपचे राष्ट्रीय संघटन सरचिटणीस बी. एल. संतोष गोव्यात आले असता मडकईकरांनी त्यांची भेट घेऊन व्यथा मांडली.
Pandurang Markaikar On Corruption In Goa
Pandurang MarkaikarDainik Gomantak
Published on
Updated on

Goa government corruption

पणजी: गोव्यातील भाजप सरकारवर विरोधी पक्षातील नेत्यांकडून भ्रष्टाचाराचे आरोप होत असताना आता भाजप नेत्यानेच सरकारवर गंभीर आरोप केला आहे. एक फाईल क्लिअर करण्यासाठी एका मंत्र्यांला १५ ते २० लाख रुपये दिल्याचा खळबळजनक आरोप माजी मंत्री पांडुरंग मडकईकरांनी केला आहे. राज्यातील मंत्री केवळ पैसे घेण्यात व्यस्त असल्याचे मडकईकर म्हणाले.

भाजपचे राष्ट्रीय संघटन सरचिटणीस बी. एल. संतोष गोव्यात आले असता मडकईकरांनी त्यांची भेट घेऊन व्यथा मांडली. मडकईकर २०२७ च्या निवडणुकीसाठी इच्छुक असून, तिकीटाच्या मागणीसाठी मडकईकरांनी संतोष यांची भेट घेतली. भेट घेऊन बाहेर आल्यानंतर पांडुरंग मडकईकरांनी प्रसारमाध्यमांशी संवाद साधला.

मडकईकरांनी यावेळी भाजप सरकारवर सडकून टीका करत मंत्र्यांवर गंभीर आरोप केले. तसेच, भाजपने यावेळी तिकीट नाकारल्यास इतर पक्ष देखील त्यांच्या संपर्कात असल्याचे मडकईकर म्हणाले.

Pandurang Markaikar On Corruption In Goa
Crime News: गोव्यात थाटामाटात केलं लग्न, सहाच महिन्यात इंजिनिअर नववधूने संपवले आयुष्य; हुंड्यासाठी छळाचा आरोप

"माझी तब्येत ठिक नसल्याचे कारण देत २०२२ साली मला तिकिट नाकारण्यात आले. लवकर बरे व्हा तुम्हाला योग्य पद दिले जाईल, असे आश्वासन देण्यात आले होते. भाजप पुन्हा सत्तेत आले आणि मला विसरले. त्यासाठी आज मी मला पद मिळेल का असा प्रश्न विचारण्यासाठी आलो होतो", असे पांडुरंग मडकईकर म्हणाले.

"भाजपकडून मला याबाबत कळविण्यात येईल, असे सांगण्यात आले आहे. पुढील आठवड्यापर्यंत मी वाट पाहणार असून, त्यानंतर निर्णय घेईन. मी २०२७ च्या निवडणुकीसाठी इच्छुक असल्याचे स्पष्ट केले. भाजपने तिकिट नाकारल्यास, मी या पक्षा रहायचे की नाही? याबाबत निर्णय घेईन. काँग्रेस, गोवा फॉरवर्ड यासारखे पक्ष माझ्या संपर्कात आहेत. मी योग्य निर्णय घेईन", असे मडकईकर म्हणाले.

"या सरकारमध्ये काहीच योग्य सुरु नाहीये. सर्व मंत्री पैसे मोजण्यात व्यग्र आहेत. एक फाईल क्लिअर करण्यासाठी मी एका मंत्र्याला १५ ते २० लाख दिले. राज्यात भ्रष्टाचार नव्हे तर लूट सुरुये, असा खळबळजनक आरोप मडकईकरांनी केला. राज्यातील लोक या सरकारला खाली खेचण्याची वाट पाहत आहे", असेही मडकईकर म्हणाले.

Pandurang Markaikar On Corruption In Goa
Goa Crime: अबू आझमींच्या मुलाची गोव्यात दादागिरी, भररस्त्यात जमावाला दाखवला बंदुकीचा धाक; पोलिसांनी शिकवला 'धडा'

दरम्यान, आगामी २०२७ च्या निवडणुकीसाठी भाजपने आत्ताच कंबर कसली असून, आढावा घेण्यासाठी बी. एल. संतोष दुसऱ्यांदा गोव्यात दाखल झाले आहेत. मुख्यमंत्री डॉ. प्रमोद सावंत यांनी संतोष यांची भेट घेतली. मडकईकरांनी केलेल्या आरोपांबाबत मुख्यमंत्री सावंत यांना विचारणा केली असता, त्यांनी याबाबत प्रतिक्रिया देण्यास नकार दिला. २०२२ साली भाजपने तिकिट नाकारल्याने नाराज असलेल्या मडकईकरांनी केलेल्या गंभीर आरोपांमुळे अर्धसंकल्पीय अधिवेशनापूर्वी विरोधकांच्या हाती आयते कोलीत दिले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com