CM Pramod Sawant: गोव्यातील डिचोली तालुक्यातील चार निराधार कुटूंबाना घरे बांधून देण्याची किमया भारतीय जनता युवा मोर्चा या भारतीय जनता पक्षाच्या युवा शाखेने केली आहे. त्यामुळे या चार कुटूंबांना हक्काचा निवारा मिळाला असून आज, मंगळवारी या घरांचे मुख्यमंत्री डॉ. प्रमोद सावंत यांच्या हस्ते संबंधितांना वितरण करण्यात आले. त्यानंतर ही निराधार कुटूंबे आनंदाने जणू डोलू लागली होती..
भारतीय जनता युवा मोर्चाच्या गोवा शाखेने या चार निराधार कुटूंबांना हक्काचे घर बांधून देण्याची जबाबदारी घेतली होती. मुख्यमंत्री डॉ. प्रमोद सावंत यांचा 50 वा वाढदिवस यंदा 24 एप्रिल रोजी साजरा झाला होता. तेव्हा भाजयूमो गोवा शाखेने हा संकल्प केला होता. आज, त्या संकल्पाची पुर्ती झाली.
यावेळी मुख्यमंत्र्यांनी भाजयुमो गोवा शाखेचे अभिनंदन केले आहे. ते म्हणाले, चार निराधार कुटूंबांना त्यांचे हक्काचे घर देताना मला आज खूप आनंद होत आहे. भाजयूमो गोवा शाखेने दाखवलेली सामाजिक बांधिलकी खूप महत्वाची आहे.
या घरांमुळे या निराधार कुटूंबियांच्या जीवनात खूप मोठा फरक पडणार आहे. त्यांच्या आयुष्यात ही घरे खूप लाभदायी ठरणार आहेत. मुख्यमंत्र्यांनी या सामाजिक कार्यासाठी भाजयूमो चे आभार मानले.
या वेळी मयेचे आमदार पेमेंद्र शेट, गोवा भाजपचे जनरल सेक्रेटरी दामू नाईक, भारतीय जनता यूवा मोर्चा गोवा शाखेचे अध्यक्ष समीर मांद्रेकर आणि इतर पदाधिकारी उपस्थित होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.