Goa School Diwali Holiday Dates Changes: गोव्यात या महिन्यात 37 वी राष्ट्रीय क्रीडा स्पर्धा होत आहे. त्याची जय्यत तयारी गोवा सरकारने केली आहे. त्याच तयारीचा एक भाग म्हणून आता गोव्यातील शाळांच्या दिवाळीच्या सुट्टीत बदल करण्यात आला आहे. शिक्षण संचालक शैलेश झिंगडे यांनी याबाबतचे आदेश काढले आहेत.
गोव्यातील शाळांना पूर्वी दिवाळीची सुट्टी 7 नोव्हेंबर ते 23 नोव्हेंबर या कालावधीत जाहीर करण्यात आली होती. तथापि, गोव्यात 19 नोव्हेंबरपासून राष्ट्रीय क्रीडा स्पर्धेला सुरवात होत आहे. पंतप्रधान नरेंद्र मोदींच्या हस्ते या क्रीडा स्पर्धेचे उद्घाटन होणार आहे.
त्यामुळे शाळांच्या दिवाळी सुट्टीत बदल करण्यात आला आहे. आता ही सुट्टी बुधवार 25 ऑक्टोबर 2023 ते शनिवार 18 नोव्हेंबर 2023 या काळात असणार आहे.
सोमवार 20 नोव्हेंबर 2023 पासून शाळा दिवाळी सुट्टीनंतर पूर्ववत सुरू होतील, असे शिक्षण विभागाने काढलेल्या परिपत्रकात म्हटले आहे. दिवाळी सुट्टीतील या बदलाची सर्व विभाग प्रमुखांनी नोंद घ्यावी, असे आवाहन करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.