भाजयुमो वास्कोतर्फे 'आणीबाणी काळा दिन'चे आयोजन

वास्को: काँग्रेसने 47 वर्षांपूर्वी देशात लागू केलेल्या आणीबाणीसंबंधी आजच्या युवकांना माहिती असणे गरजेचे असल्याने भाजयुमो वास्कोतर्फे 'आणीबाणी काळा दिन'चे आयोजन करण्यात आले होते. याप्रसंगी आमदार कृष्णा साळकर यांनी लोकांनी त्याकाळची काँग्रेस राजवट व प्रंतप्रधान नरेंद्र मोदी सध्याची राजवट यांची तुलना करण्याची गरज असल्याचे सांगितले.

('Emergency Black Day' in goa)

या कार्यक्रमाला भाजपा वास्को मंडळ अध्यक्ष दीपक नाईक, प्रदेश कार्यकारिणी सदस्य जयंत जाधव, प्रशांत नार्वेकर, रुपेश पालयेकर,दामोदर लोटलीकर, रिमा सोनुर्लेकर व इतर कार्यकर्ते उपस्थित होते.

तत्कालीन पंतप्रधान इंदिरा गांधी यांनी 25 जून 1975 ला देशात आणीबाणी घोषीत केली होती. सर्वसामान्यांचे जीवन दयनीय करण्यात आले होते. अभिव्यक्ती स्वातंत्र्याची गळचेपी करण्यात आली होती. सरकारच्या विरोधात बोलणाऱ्यांना शिक्षा केली जात होती. आणीबाणीचे 21 महिने हे अत्याचार जनतेने सहन केले होते. ते कधीच विसरता येणार नाही. कधीही माफ करता येणार नाही, असे साळकर यांनी सांगितले.

वास्कोतील काही काँग्रेसवाले विविध कामांचे श्रेय घेण्यासाठी पुढे येतात, अस दावा त्यांनी केला. काँग्रेसवाल्यांनी विरोधासाठी विरोध करणे बंद करावे. काँग्रेस संपण्याच्या वाटेवर असल्याचे ते म्हणाले.

आणीबाणीतील अत्याचा आजच्या युवकांसमोर येण्याची गरज असल्याचे दीपक नाईक यांनी सांगितले. जयंत जाधव यांनी इंदिर गांधी यांनी आणीबाणी का लाग केली. त्या आणीबाणीचे कोणते परिणाम झाले. त्या आणीबाणील विरोधक कसे सामोरे गेले यासंबंध थोडक्यात माहिती दिली. प्रशांत नार्वेकर यांनी सूत्रसंचालन केले. रिमा सोनुर्लेकर यांनी आभार मानले.