काँग्रेसचे माजी अध्यक्ष राहुल गांधी यांची लोकसभा सदस्यता रद्द केल्याच्या निषेधार्थ सांतआंद्रे, कुंभारजुवे आणि सांताक्रुझ गट समित्यांनी मेरशी नाक्यावर धरणे आंदोलन केले. आंदोलनात प्रदेशाध्यक्ष अमित पाटकर, नेते कॅप्तान विरियातो फर्नांडिस आणि इतर मान्यवर उपस्थित होते.
राहुल गांधी यांनी सर्वसामान्यांचे प्रश्न उपस्थित केले असून त्यांची लोकसभेची सदस्यता रद्द केली आहे. पंतप्रधान नरेंद्र मोदी आणि उद्योगपती मित्र गौतम अदानी यांच्या मैत्रीसंदर्भात संसदेत बोलल्याबद्दल गांधी यांची सदस्यता रद्द केली आहे.
आज केंद्रातील सरकार कोण चालवत असल्याचा सवाल गांधींनी केला होता. अदानींसंदर्भात 20 हजार कोटी रुपये कुठे गेले हा गंभीर आरोप त्यांनी उपस्थित केल्यानंतर सरकारचे धाबे दणाणले आणि गांधी यांची सदस्यता रद्द केली. याचा निषेध म्हणून आज हे धरणे आंदोलन केले आहे, असे अमित पाटकर यांनी स्पष्ट केले.
हा सर्व खटाटोप अदानींसाठी केला जात आहे, असा आरोप पाटकर यांनी केला. मोदी सरकारच्या विरोधात राहुल गांधी यांनी मोर्चा उघडल्यानंतर त्यांच्यासंदर्भात दुष्प्रचार केला जात आहे, असे विरियातो फर्नांडिस म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.