पणजी: माजी बंदर कप्तान आणि काँग्रेस नेते एल्विस गोम्स यांनी रविवारी फेरी बोटीच्या मुद्द्यावरून गोवा सरकारला घेरले. गोम्स यांनी आरोप केला आहे की, सरकारने पणजी फेरीबोट रॅम्प एका कसिनो कंपनीला वापरण्यास दिला आहे. याचबरोबर रॅम्पच्या बाजूला असलेल्या पाण्यात जेटी उभ्या करण्याची परवानगी देखील दिली आहे. याचा थेट परिणाम पणजी-बेती फेरीवर होण्याची शक्यता आहे.
गोम्स यांनी दक्षता विभागाला नदी जलवाहतूक विभागाच्या कारभाराची संपूर्ण चौकशी करण्याचे आवाहन केले आहे. गोम्स यांनी अलीकडेच फेरी पॉईंटवरील सार्वजनिक शौचालय बंद करण्याबाबत मुद्दा उपस्थित केला होता.
भारतीय जनता पक्षाच्या (BJP) सरकारमधील एक मंत्री कॅप्टन ऑफ पोर्ट्स ऑफिसच्या वरिष्ठ अधिकार्‍यांच्या पाठिंब्याने नियमांना न जुमानता मनमानी करत आहे, असा आरोप गोंस यांनी केला आहे. सरकारच्या (Government) विशिष्ट निर्णयाची चौकशी करण्याची मागणी करत लवकरच याचिका दाखल करणार असल्याचेही गोम्स यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
