V Kaushik Joins Goa Cricket Team: गेल्या काही वर्षांपासून कर्नाटक संघाच्या गोलंदाजीचं नेतृत्व करणारा आघाडीचा मध्यमगती गोलंदाज व्ही. कौशिक आता गोव्याकडून खेळताना दिसणार आहे. आपल्या शानदार गोलंदाजीच्या जोरावर फलंदाजांना घाम फोडणाऱ्या या धडाकेबाज गोलंदाजाने गोव्याची वाट धरली आहे. 2019 मध्ये रणजी ट्रॉफीमध्ये पदार्पण करणारा 32 वर्षीय कौशिक आगामी हंगामात गोव्याकडून खेळणार आहे. मंगळवारी (2 जुलै) कौशिकला कर्नाटक राज्य क्रिकेट असोसिएशनने (केएससीए) ना हरकत प्रमाणपत्र (एनओसी) दिले.
दरम्यान, क्रिकेटमध्ये करिअर करण्यासाठी कौशिकने कॉर्पोरेट नोकरीला लाथ मारली होती. त्याने 23 प्रथम श्रेणी सामने खेळले असून ज्यामध्ये त्याने 2.13 च्या प्रभावी इकॉनॉमी रेटने 93 विकेट्स घेतल्या आहेत.
दुसरीकडे, अचूकतेवर जास्त आणि वेगावर कमी अवलंबून असलेल्या कौशिकला काही वर्षांपूर्वी दुर्लक्षित करण्यात आले, परंतु संघात पुन्हा कमबॅक करण्यासाठी तो कठोर मेहनत घेत होता. गेल्या हंगामात नियमित प्रसिद्ध कृष्णा आणि विद्वात कवेरप्पा यांची अनुपस्थित आणि हंगामाच्या मध्यात वैशाक विजयकुमारला दुखापत झाल्यानंतर मिळालेल्या संधीला लाभ घेत कौशिकने संघात पुनरागमन करत आपला जलवा दाखवून दिला.
गेल्या हंगामात कर्नाटकच्या (Karnataka) विजय हजारे ट्रॉफी विजयात संयुक्तपणे सर्वाधिक विकेट्स घेणारा (18 विकेट्स) कौशिक TOI शी बोलताना म्हणाला की, "मी 32 वर्षांचा आहे आणि गेल्या काही महिन्यांपासून मी माझ्या भविष्याबद्दल विचार करत आहे.''
कौशिक पुढे म्हणाला की, ''मला माझे गृहराज्य मोठ्या उत्साहात सोडायचे होते. मला माहित आहे की, मी आणखी काही वर्षे क्रिकेट खेळू शकतो. मात्र कर्नाटकातील तरुणांसाठी जागा सोडण्याची वेळ आता आली आहे असे मला वाटते."
"मी विजय हजारे आणि सय्यद मुश्ताक अली टी-20 ट्रॉफी जिंकणाऱ्या कर्नाटक संघांचा भाग राहिलो आहे, पण कर्नाटकला रणजी ट्रॉफी जिंकण्यात मदत केली असती तर बरे झाले असते.", अशी खंतही कौशिकने बोलून दाखवली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.