‘पंतप्रधान नरेंद्र मोदी हे मतांसाठी काहीही करू शकतात,’ अशी टीका विरोधी पक्ष नेते राहुल गांधी यांनी बिहारमधील मुझफ्फरपूर येथे झालेल्या सभेत केली. ‘‘तुम्ही त्यांना मतांसाठी नाटक करायला सांगा ते मतांसाठी नाटक करतील, तुम्ही त्यांना मंचावर येऊन नाचायला सांगा ते नाचतील,’’ असे ते म्हणाले.
‘‘बिहारचे मुख्यमंत्री नितीशकुमार यांचा चेहरा वापरून हे भाजप रिमोट कंट्रोलद्वारे बिहारमधील सरकार चालवित आहे,’’ असा आरोप त्यांनी केला. या सभेमध्ये राष्ट्रीय जनता दलाचे नेते आणि ‘इंडिया’ आघाडीचे मुख्यमंत्रिपदाचे उमेदवार तेजस्वी यादव हे सहभागी झाले होते.
त्यांनी त्यांच्या भाषणात, नितीशकुमार यांचे सरकार हे भाजपच्या रिमोटद्वारे चालविले जाते, असा आरोप केला. तेजस्वी यांच्या याच आरोपाचा पुनरुच्चार राहुल यांनी त्यांच्या भाषणात केला.
राहुल यांची भाषा गुंडासारखी : भाजप
बिहारमध्ये निवडणूक प्रचारादरम्यान कॉंग्रेसचे नेते राहुल गांधी यांनी पंतप्रधानांना उद्देशून जी भाषा वापरली आहे, ती स्थानिक गुंडासारखी असल्याची टीका भाजपचे प्रवक्ते प्रदीप भंडारी यांनी आज सोशल मीडियाच्या माध्यमातून केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
