Congress sprinkles Gangajal in Karnataka Assembly: भाजपला निवडणुकीत पराभूत करून कर्नाटकात सत्तेत आलेल्या काँग्रेस पक्षाने सोमवारी कर्नाटक विधानसभेत पहिल्यात दिवशी विधानसौध तसेच विधानसौध परिसराचे परिसराचे शुद्धीकरण केले.
पक्षाच्या नेत्यांनी विधानसभा भवनात गंगाजल आणि गोमूत्र शिंपडले. भाजपच्या सत्ताकाळात भ्रष्टाचारामुळे विधानसौध अपवित्र झाल्याचा आरोप काँग्रेसने केला होता. काँग्रेस कार्यकर्त्यांनी विधानसौधाच्या (विधानसभा) गेटवरही पूजा केली.
हवन-पूजनानंतर हनुमान चालिसाचे पठण केले. भाजपने भ्रष्टाचाराने विधानसौधला बरबाद केल्याचे काँग्रेसने म्हटले आहे.
(Congress Purifies Karnataka Vidhana Saudha)
काँग्रेसच्या या कृतीचे फोटोज, व्हिडिओज सोशल मीडियात व्हायरल झाले आहेत. सोमवारी कर्नाटक विधानसभेत नवनिर्वाचित आमदारांचा शपथविधी पार पडला. यावेळी मुख्यमंत्री सिद्धरामय्या आणि उपमुख्यमंत्री डी. के. शिवकुमार यांनीही आमदारपदाची शपथ घेतली.
शपथविधीसाठी मंड्या विधानसभा मतदारसंघाचे आमदार रवी गनिगा हे बैलगाडीतून विधानसौध परिसरात आले.
दरम्यान, कर्नाटकचे उपमुख्यमंत्री डी. के. शिवकुमार यांनी या वर्षीच जानेवारी महिन्यात बोलताना विधानसभा गोमूत्राने स्वच्छ करण्याची वेळ आली असल्याचे म्हटले होते. कर्नाटक विधानसभा निवडणुकीत काँग्रेसने 135 जागा जिंकल्या आहेत.
दरम्यान, काँग्रेसने सत्तेत आल्यास बजरंग दल या हिंदुत्ववादी संघटनेवर तसेच पीएफआय या संघटनेवर बंदी घालण्यात येईल, असे आश्वासन जाहिरनाम्यातून दिले होते. आता काँग्रेस ते कधी पुर्ण करतेय, याकडे अनेकांचे लक्ष लागून राहिले आहे.
कारण भाजपने हाच मुद्दा बनवत प्रचार केला होता. खुद्द पंतप्रधान नरेंद्र मोदी यांनी मतदान करताना बजरंगबली की जय, अशी घोषणा देण्याचे आवाहन केले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
