In Bihar, robbers looted 16 lakh rupees from Axis Bank in just 4 minutes:
बिहारमधील भोजपूर जिल्ह्यातील एका बँकेत बुधवारी दरोड्याची विचित्र घटना घडली असून, दरोडेखोरांनी आत्मसमर्पण करावे यासाठी पोलिसांनी बँकेबाहेर आरडाओरडा केला. पण त्याआधीच बँकेतून 16 लाख रुपये लुटून दरोडेखोर फरार झाले.
वास्तविक, हे प्रकरण आराह येथील सर्किट हाऊस रोडवरील Axis Bank च्या शाखेचे आहे, दरोडेखोरांनी सुमारे 16 लाख रुपये लुटून पलायन केले.
पोलिसांनी दिलेल्या माहितीनुसार, बुधवारी सकाळी 10 वाजण्याच्या सुमारास पाच दरोडेखोरांनी शस्त्रांसह Axis Bank मध्ये प्रवेश केला आणि बँकेच्या कर्मचाऱ्यांना एका खोलीत बंद केले. यानंतर काउंटरवर ठेवलेले सुमारे 16 लाख रुपये घेऊन चार मिनिटांतच ते पळून गेले.
दरम्यान, गुन्हेगार बँकेत असल्याची माहिती कोणीतरी फोनवरून दिली. त्यावर पोलिसांनी बँकेला घेराव घातला आणि गुन्हेगारांना आत्मसमर्पण करण्यास सांगितले.
मात्र, या गोंधळातच चोरटे पळून गेले होते. त्यानंतर पोलीस बँकेत दाखल झाले आणि बँकेच्या कर्मचाऱ्यांना खोलीबाहेर काढण्यात आले.
मिळालेल्या माहितीनुसार, दरोड्यादरम्यान दरोडेखोरांनी व्यवस्थापकाला मारहाणही केली आणि कॅन्टीनमधील सर्व कर्मचाऱ्यांना कोंडून घातले. पोलिस पोहोचेपर्यंत गुन्हेगार पळून गेले होते.
बँकेत जाण्यासाठी आणि बाहेर जाण्यासाठी एकच मार्ग आहे. पोलिसांनी सीसीटीव्ही फुटेज तपासले असता, गुन्हेगारांनी बँक कर्मचाऱ्यांना एका खोलीत बंद करून कॅश काउंटरवर ठेवलेले सुमारे १६ लाख रुपये घेऊन पळ काढल्याचे दिसून आले.
पोलीस आता दरोडेखोरांच्या मागावर असून, संपूर्ण प्रकरणाचा तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
