अखेर काँग्रेसाला अध्यक्ष मिळणार आहे. काँग्रेस अध्यक्षपदाची निवडणूक (Congress President Election) 17 ऑक्टोबरला होणार आहे. यासाठी 22 सप्टेंबरला अधिसूचना जारी होणार आहे. 24 सप्टेंबरपासून नामनिर्देशन सुरू होईल. 17 ऑक्टोबरला मतदान होईल आणि 19 ऑक्टोबरला मतमोजणी आणि निकाल जाहीर होणार आहे. सीडब्लूसीचा (CWC) शिक्कामोर्तब झाल्यानंतर औपचारिक घोषणा केली जाईल.
दिल्लीत आज (दि.28) काँग्रेस कार्यकारिणीची बैठक झाली. या बैठकीला क काँग्रेसच्या हंगामी अध्यक्ष सोनिया गांधी (Sonia Gandhi), राहुल गांधी (Rahul Gandhi) आणि प्रियांका गांधी (Priyanka Gandhi) व्हिडीओ कॉन्फरन्सिंगद्वारे सहभागी झाले होते. याशिवाय हरीश रावत, सलमान खुर्शीद, मुकुल वासनिक, मल्लिकार्जुन खर्गे, कुमारी सेलजा, मधुसूदन मिस्त्री, केसी वेणुगोपाल, जयराम रमेश, अजय माकन, अभिषेक मनु सिंघवी यांच्यासह अनेक नेते या बैठकीत काँग्रेस कार्यालयात उपस्थित होते.
7 सप्टेंबर पासून काँग्रेसची ‘भारत जोडो यात्रा’
काँग्रेस पक्ष राहुल गांधी (Rahul Gandhi) यांच्या नेतृत्वाखाली 7 सप्टेंबर रोजी कन्याकुमारी येथून ‘भारत जोडो यात्रा’ (Bharat Jodo Yatra) सुरू करणार आहे. 148 दिवसांच्या या यात्रेची सांगता काश्मीरमध्ये होणार आहे. 3,500 किमी आणि 12 राज्यांपेक्षा जास्त अंतर कापून ही यात्रा संपणार आहे. पदयात्रा, रॅली, जाहीर सभा असे या यात्रेचे स्वरूप असणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.