RBI Action on Paytm Payments Bank: रिझर्व्ह बँक ऑफ इंडियाने (RBI) पेटीएम पेमेंट्स बँक लिमिटेडला नो योर कस्टमर (KYC) निकषांसह काही तरतुदींचे पालन न केल्याबद्दल 5.39 कोटी रुपयांचा दंड ठोठावला आहे. देशाच्या सेंट्रल बँकेने आज ही माहिती दिली.
रिझव्‍‌र्ह बँकेला असे आढळून आले की, पेमेंट बँकांचा परवाना, बँकांमधील सायबर सुरक्षा फ्रेमवर्क आणि UPI इकोसिस्टमसह मोबाइल बँकिंग अॅप्लिकेशन्स सुरक्षित करण्याशी संबंधित काही तरतुदींसाठी आरबीआय (RBI) मार्गदर्शक तत्त्वांचे पूर्णपणे पालन करण्यात काही उणीवा आढळून आल्या.
अधिकृत विधानानुसार, बँकेच्या KYC/अँटी मनी लाँडरिंगच्या (Money Laundering) दृष्टीकोनातून विशेष तपासणी करण्यात आली आणि RBI द्वारे निवडलेल्या लेखापरीक्षकांद्वारे बँकेचे सर्वसमावेशक लेखापरीक्षण करण्यात आले.
आरबीआयच्या निवेदनानुसार, अहवालाची तपासणी केल्यानंतर असे आढळून आले की, पेटीएम पेमेंट्स बँक पेमेंट सेवा प्रदान करण्यात गुंतलेल्या संस्थांबाबत लाभार्थी ओळखू शकली नाही.
निवेदनात म्हटले आहे की, बँकेने पेमेंट व्यवहारांचे परीक्षण केले नाही आणि पेमेंट सेवांचा लाभ घेत असलेल्या संस्थांच्या जोखमीचे मूल्यांकन केले नाही.
मध्यवर्ती बँकेने म्हटले आहे की, "Paytm पेमेंट्स बँकेने पेमेंट सेवांचा लाभ घेत असलेल्या काही ग्राहकांच्या अॅडव्हान्स खात्यांमध्ये दिवसाच्या शेवटच्या शिल्लक रकमेच्या नियामक मर्यादेचे उल्लंघन केले आहे." यानंतर बँकेला कारणे दाखवा नोटीस बजावण्यात आली.
पेटीएम पेमेंट्स बँकेचे उत्तर मिळाल्यानंतर, आरबीआय या निष्कर्षापर्यंत पोहोचले की, आरबीआयच्या मार्गदर्शक तत्त्वांचे पालन न केल्याचा बँकेवरील आरोप सिद्ध झाला आहे. यानंतर पेटीएम पेमेंट्स बँकेवर आर्थिक दंड ठोठावण्यात आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.