Bank Fixed Deposits: एफडीसाठी गुंतवणूकदारांची 'या' बॅंकांना पसंती, RBI च्या अहवालातून खुलासा

Bank Fixed Deposits: एक वर्षाहून अधिक काळ व्याजदरात वाढ झाल्यानंतर एफडीकडे गुंतवणूकदारांचा कल झपाट्याने वाढला आहे. पण तुम्हाला माहिती आहे का की, गुंतवणूकदारांना त्यांचे पैसे कोणत्या बँकांमध्ये ठेवायला आवडतात?

आर्थिक वर्ष 2022 साठी आरबीआयच्या आकडेवारीनुसार, 7 सार्वजनिक क्षेत्रातील बँका आणि 3 खाजगी क्षेत्रातील बँकांकडे एकूण ठेवीपैकी 76 टक्के ठेवी आहेत.

गुंतवणूकदार मोठ्या सार्वजनिक क्षेत्रातील बँका आणि खाजगी बँकांमध्ये गुंतवणूक करण्यास प्राधान्य देतात.

एसबीआयचा बाजारातील हिस्सा 36 टक्के आहे

गुंतवणुकीसाठी (Investment) ग्राहकांकडून एसबीआयला सर्वाधिक पसंती दिली जात आहे. वेगवेगळ्या मुदतीच्या 23 टक्के एफडी त्यात जमा आहेत. सार्वजनिक क्षेत्रातील बँकांमधील एफडीच्या बाबतीत, एसबीआयचा बाजारातील हिस्सा 36 टक्के आहे.

खाजगी क्षेत्रातील बँकांमध्ये, एचडीएफसी ही एफडी करण्यासाठी गुंतवणूकदारांची सर्वाधिक पसंतीची बँक आहे.

वेगवेगळ्या कालावधीच्या FD मध्ये एकूण बँक ठेवींपैकी 8 टक्के रक्कम असलेली ही दुसरी बँक आहे. खाजगी क्षेत्रातील बँकांमधील एफडीच्या बाबतीत त्यांचा बाजारातील हिस्सा 28 टक्के आहे.

SBI नंतर गुंतवणूकदारांनी कॅनरा बँकेला पसंती दिली

सार्वजनिक क्षेत्रातील बँकांमध्ये, SBI नंतर, गुंतवणूकदारांनी कॅनरा बँक आणि युनियन बँक ऑफ इंडियामध्ये गुंतवणूक करण्यास प्राधान्य दिले. या दोन्ही बॅंकाकडे सर्व कालावधीतील एकूण बँक ठेवींपैकी 7 टक्के वाटा आहे.

सार्वजनिक क्षेत्रातील बँकांमध्ये, कॅनरा आणि युनियन बँक ऑफ इंडियाच्या एफडीमधील बाजारातील वाटा अनुक्रमे 12 टक्के आणि 11 टक्के आहे. यानंतर बँक ऑफ बडोदा आणि पंजाब नॅशनल बँक (Punjab National Bank) या दोन्हीकडे सर्व कालावधीतील एकूण बँक ठेवींपैकी 6 टक्के आहेत.

ICICI मध्ये FD करण्यास पसंती

सार्वजनिक क्षेत्रातील बँकांमध्ये एचडीएफसी नंतर, गुंतवणूकदारांनी आयसीआयसीआय बँकेतील एफडीला सर्वाधिक पसंती दिली. यामध्ये, मुदत ठेवींमध्ये खाजगी बँकांमधील बाजारातील हिस्सा सर्व कालावधीतील एकूण बँक ठेवींच्या 6 टक्के आणि 19 टक्के आहे.

एफडीसाठी गुंतवणूकदारांनी प्राधान्य दिलेल्या टॉप 10 बँकांच्या यादीत अॅक्सिस बँक तिसऱ्या स्थानावर आहे. यामध्ये, मुदत ठेवींमध्ये खाजगी बँकांचा बाजारातील हिस्सा 5 टक्के आहे आणि सर्व कालावधीतील खाजगी बँकांचा बाजारातील हिस्सा 5 टक्के आहे.

बँक ऑफ इंडिया आणि इंडियन बँक या टॉप 10 बँकांच्या यादीतील शेवटच्या दोन बँका ज्यात गुंतवणूकदार एफडीमध्ये गुंतवणूक करण्यास प्राधान्य देतात.

या दोन्ही बॅंकाकडे सर्व कालावधीतील एकूण बँक ठेवींपैकी 4 टक्के रक्कम आहे. या दोन्ही बॅंकाचा सार्वजनिक क्षेत्रातील बँकांमधील मुदत ठेवींमध्ये 6 टक्के बाजार हिस्सा आहे.