PNB आणि ICICI सह चार बँकांची कर्जे महागली, 'या' बँकेच्या ग्राहकांना सर्वाधिक फटका

Loans of four banks, including PNB and ICICI, became more expensive, with Yes bank customers hit the hardest:

देशातील चार मोठ्या बँकांनी आपली कर्जे महाग केली आहेत. यामध्ये ICICI बँकेने आपल्या व्याज दरात सर्वाधिक 0.10 टक्क्यांनी वाढ केली आहे. चारही बँकांचे नवे व्याजदर १ जानेवारीपासून लागू झाले आहेत. तुम्ही कर्ज घेण्याचा विचार करत असाल तर तुम्हाला हे अतिरिक्त व्याज द्यावे लागणार आहे.

पंजाब नॅशनल बँक (PNB) च्या मते, एका महिन्याच्या कर्जावरील व्याजदर 8.25 वरून 8.30 टक्क्यांपर्यंत वाढला आहे. एक वर्षाचा दर 8.70 टक्के असेल, जो पूर्वी 8.65 टक्के होता. बँकेने इतर अनेक दीर्घ मुदतीच्या कर्जावरील व्याजदरातही वाढ केली आहे.

याशिवाय बँकेने ठेवींवरील व्याजदरातही वाढ केली आहे. याअंतर्गत 180 ते 270 दिवसांसाठी 2 कोटी रुपयांपेक्षा कमी ठेवींवर 0.45 टक्के अधिक व्याज मिळेल. 271 दिवस ते एक वर्षापेक्षा कमी कालावधीच्या ठेवींवर 6.25 टक्के व्याज मिळेल. 400 दिवसांच्या ठेवींवर 6.80 टक्क्यांऐवजी 7.25 टक्के व्याज मिळेल.

आयसीआयसीआय बँक

बँकेच्या वेबसाइटनुसार,एक महिन्याच्या कालावधीसाठी घेतलेल्या कर्जाचा व्याजदर 8.5% पासून वाढून 8.6% झाला आहे. तसेच, एका वर्षाच्या कर्जावर आता ग्राहकांना 9% ऐवजी 9.10% व्याज आकारले जाईल.

बँक ऑफ इंडिया

बँक ऑफ इंडियाच्या वेबसाइटवरून मिळालेल्या माहितीनुसार, आता सहा महिन्यांच्या कालावधीसाठी कर्ज घेतल्यावर 8.60 टक्के व्याज द्यावे लागणार आहे. एक वर्षाच्या मुदतीच्या कर्जाचा दर आता 8.80 टक्के असेल. एका रात्रीच्या कर्जासाठी, बँक ग्राहकांना 8 टक्के व्याज द्यावे लागेल.

येस बँकेचे कर्ज सर्वात महाग

येस बँकेच्या वेबसाइटनुसार, ग्राहकांना आता एका वर्षाच्या कालावधीच्या कर्जासाठी 10.5 टक्के व्याज द्यावे लागेल. तर एका रात्रीच्या कर्जासाठी व्याज दर 9.20 टक्के असेल. सहा महिन्यांच्या कालावधीच्या कर्जावरील व्याजदर 10.25 टक्के करण्यात आला आहे. बँकिंग उद्योगात येस बँकेचे कर्ज खूप महाग आहे.