गोवा सरकारचा 'पेटीएम' आणि 'येस बँक'सोबत सामंजस्य करार

Goa Govt signs mou with paytm and yes bank

गोवा सरकारने पेटीएम आणि येसबँकसोबत सामंजस्य करार केला आहे. सरकारी सेवांच्या पेमेंट गेटवेसाठी पेटीएम आणि सेंट्रल बँक डिजिटल करन्सीशी संबंधित सेवांसाठी येसबँकसोबत हा करार करण्यात आला आहे.

यावेळी मुख्यमंत्री प्रमोद सावंत, पर्यटनमंत्री रोहन खंवटे आणि इन्फो टेक कॉर्पोरेशनचे अध्यक्ष आमदार चंद्रकात शेट्ये पेटीएम आणि येस बँकेचे पदाधिकारी व इतर मान्यवर उपस्थित होते.

मुख्यमंत्री प्रमोद सावंत यांच्या हस्ते यावेळी इन्फो टेक कॉर्पोरेशन गोवाचा नवीन लोगो लॉन्च करण्यात आला.

मुख्यमंत्री प्रमोद सावंत यांनी इन्फो टेक कॉर्पोरेशनच्या प्रगती बाबत आनंद व्यक्त केला. इन्फो टेक कॉर्पोरेशन स्वयंपूर्ण झाले आहे. कॉर्पोरेशन नवीन उंची गाठत असून इतर राज्यांमध्येही पोहोचण्यासाठी तयार होत आहे. याबाबत मुख्यमंत्री सावंत यांनी आनंद व्यक्त केला.