वार्का येथे विवाहितेवर प्राणघातक हल्ला करण्याची घटना शुक्रवारी दुपारी घडली. या हल्ल्यात लासिमा गालडिनो या गंभीर जखमी झाल्या असून त्यांना गोमेकॉत दाखल केले आहे. याप्रकरणी कोलवा पोलिसांनी रापरावाडो वार्का येथील ज्यो पेरेरा याच्यावर खुनाचा प्रयत्न केल्याचा गुन्हा दाखल केला आहे. संशयित सध्या फरार असून पोलिस त्याच्या शोधात आहेत.

मालमत्तेच्या वादातून ही हल्ल्याची घटना घडल्याची माहिती कोलवा पोलिसांनी दिली. संशयिताने लासिमा हिच्या डोक्यावर लोखंडी सळईने हल्ला चढविला. यात तिच्या डोक्याला गंभीर दुखापत झाली. संशयिताने तिचा मोबाईलही पळविला. वार्का येथील फिडमोर रेस्टॉरंट समोर हा हल्ला झाला.