उत्तराखंडमधून एक धक्कादायक घटना समोर आली आहे. राज्यातील अल्मोडा या ठिकाणी एका प्रवासी बसचा भीषण अपघात झाला. सुमारे 63 प्रवाशांनी भरलेली बस खोल दरीत कोसळली. चालकाचे नियंत्रण सुटल्याने हा भीषण अपघात झाला. 43 सीटर बस पौरी जिल्ह्यातील नैनीदांडा ब्लॉकमधील बारातकिनाथ येथून नैनीतालच्या रामनगरसाठी निघाली होती. बस कुपी गावाजवळ आल्यावर बसचा स्प्रिंग बेल्ट तुटल्याचा आवाज आला आणि दुसऱ्याच क्षणी बस 200 मीटर खोल दरीत कोसळली. या अपघातात 36 जणांचा मृत्यू झाला.