उत्तर प्रदेशात काल दिवसभर वादळी वाऱ्यासह झालेल्या मुसळधार पावसामुळे 89 जणांचा मृत्यू झाला असून अनेक घरांचे नुकसान झाले आहे. मदत आयुक्तांच्या कार्यालयाने आज दिलेल्या माहितीनुसार, या नैसर्गिक आपत्तीत झाडे आणि विजेचे खांब उन्मळून पडली. अनेक जिल्ह्यातील जनजीवन विस्कळीत झाले आहे. मुख्यमंत्री योगी आदित्यनाथ यांनी या घटनेची गंभीर दखल घेतली असून, बाधित कुटुंबांना 24 तासांच्या आत मदत पोहोचविण्याचे निर्देश प्रशासनाला दिले आहेत.