पणजी: उस्ते सत्तरीत येथील म्हादई नदीत २४ वर्षीय राजेश सिंग याचा बुडून मृत्यू झाला. कुंकळ्ळी येथील रहिवाशी असलेल्या राजेश सिंग आपल्या तीन मित्रांसह म्हादई नदीत सहलीसाठी गेला होता. नदीत पोहण्यासाठी उतरलेल्या राजेशला पाण्याचा अंदाज न आल्यानं तो बुडला आणि त्याचा मृत्यू झाला.

मृत्यूची माहिती मिळताच, वाळपई पोलिसांनी घटनास्थळी धाव घेतली. मृतदेह शवविच्छेदनासाठी बांबोळी येथील रुग्णालयात पाठवण्यात आला आहे. या घटनांमुळे परिसरात शोककळा पसरली असून राजेश सिंगच्या कुटुंबीयांवर मोठा आघात झाला आहे. पोलीसांकडून या घटनेचा तपास सुरू केला आहे.