साकोर्डा: नुकतीच नव्यानं बांधण्यात आलेली साकोर्डा पंचायतीची इमारत उद्घाटनाच्या प्रतिक्षेतच असताना, या इमारतीच्या छताचा काही भाग कोसळल्याची घटना समोर आली आहे. सुदैवानं त्या वेळी कोणीही उपस्थित नसल्यानं मोठी जीवितहानी टळली आहे.

ही घटना गुरुवारी दुपारी १ वाजण्याच्या सुमारास घडली. पंचायतीच्या नव्या इमारतीचं काम काही महिन्यांपूर्वीच पूर्ण झालं होतं. मात्र अद्याप याचं औपचारिक उद्घाटन झालेलं नाहीय. इमारतीच्या वापरास सुरुवात होण्याआधीच छताचा भाग कोसळल्यानं ग्रामस्थांमध्ये संतापाची लाट पसरली असून, कामाच्या दर्जावर अनेक प्रश्न उपस्थित केले जात आहेत.