मडगाव: रुमडामळ हाऊसिंग बोर्डातील रस्ता गेल्या तीन महिन्यांपासून अत्यंत खराब अवस्थेत असल्याने स्थानिक रहिवाशांना मोठ्या गैरसोयीला सामोरे जावे लागत आहे. विनायक वळवईकर यांनी सांगितले की, रस्त्यावर पडलेले मोठे खड्डे आणि असमान पृष्ठभागामुळे ज्येष्ठ नागरिक व गरोदर महिलांना प्रवास करणे कठीण झाले आहे. प्रशासनाने तात्पुरते डागडुजीचे काम केले असले तरी, ते केवळ दहा दिवसच टिकते. स्थानिक आमदार उल्हास तुयेकर यांनी हा रस्ता डिसेंबरपर्यंत पूर्ण करण्याचे आश्वासन दिले होते, याची आठवण करून देत, नागरिकांनी आता सार्वजनिक बांधकाम मंत्री (PWD Minister) आणि आमदारांना हे काम लवकरात लवकर पूर्ण करण्याची विनंत केली आहे.