सामाजिक कार्यकर्ते रामा काणकोणकर यांच्यावर काही दिवसांपूर्वी झालेल्या हल्ल्यानंतर त्यांना गोमेकॉ (GMC) येथे उपचारांसाठी दाखल करण्यात आले आहे. आरोग्यमंत्री विश्वजीत राणे यांनी रामा काणकोणकर यांची रुग्णालयात जाऊन भेट घेतली आणि त्यांच्या प्रकृतीची विचारपूस केली. त्यांच्या उपचारांबाबत काही गोंधळ निर्माण झाला होता, मात्र सरकारने त्यांना आवश्यक असलेले सर्व उपचार देण्याचे वचन दिले असल्याची माहिती आरोग्यमंत्र्यांनी दिली. आरोग्यमंत्र्यांनी वैद्यकीय अधीक्षकांना रामा काणकोणकर यांच्या पूर्ण काळजी घेण्याचे निर्देश दिले आहेत. दुसरीकडे, या हल्ल्यातील मुख्य आरोपींना अटक करण्याची मागणी करत विरोधकांनी आक्रमक भूमिका घेतली आहे, तर गोवा पोलिसांनी या प्रकरणी काही आरोपींना अटक केली आहे.