गोव्यात सर्वत्र नाताळ मोठ्या उत्साहात साजरा करण्यात आला. हा नाताळ मयेतील फर्नांडिस कुटुंबासाठी आणखी खास ठरला आहे. याचे कारण म्हणजे फर्नांडिस यांच्या डोक्यावर छत उभे राहिले आहे. फर्नांडिस बेघर होते व त्यांची आर्थिक परिस्थिती देखील कमकुवत होती. स्थानिक आमदार प्रेमेंद्र शेट यांनी याची दखल घेऊन फर्नांडिस यांच्यासाठी घर बांधण्याचा निर्णय घेतला. या घराच्या चाव्या आज फर्नांडिस यांना सूपूर्द करण्यात आल्या. फर्नांडिस यांनी शेट यांच्यासोबत नाताळच्या दिवशी नव्या घरात प्रवेश केला. यावेळी फर्नांडिस भावूक झाल्याचे पाहायला मिळाले.